آفتاب احمد خان شیرپاؤ کا پٹرولیم مصنوعات میں اضافے پر گہری تشویش کا اظہار

حکومت حالیہ پٹرولیم مصنوعات میں اضافے کے فیصلے پر نظر ثانی کرے، قومی وطن پارٹی

بدھ 17 اگست 2022 15:03

آفتاب احمد خان شیرپاؤ کا پٹرولیم مصنوعات میں اضافے پر گہری تشویش کا ..

اسلام آبا د(اُردو پوائنٹ اخبارتازہ ترین - این این آئی۔ 17 اگست2022ء) حکومت کے ایک اور اتحادی آفتاب احمد خان شیرپاؤ نے بھی پٹرولیم مصنوعات میں اضافے پر گہری تشویش کا اظہار کیا ہے ۔ اپنے بیان میں آفتاب شیر پائو نے کہاکہ عالمی منڈی میں تیل کی قیمتیں کم پاکستان میں پٹرولیم مصنوعات کی قیمتوں میں اضافہ کی وجہ کیا ۔

(جاری ہے)

انہوںنے کہاکہ پٹرولیم مصنوعات کی قیمتوں میں اضافے پر پی ڈی ایم کو بھی اعتماد میں نہیں لیا گیا۔آفتاب احمد خان شیرپاؤ نے کہاکہ حکومت حالیہ پٹرولیم مصنوعات میں اضافے کے فیصلے پر نظر ثانی کرے۔ یاد رہے کہ سابق صدر آصف علی زرداری ، سابق وزیراعظم میاں نواز شریف ، مریم نواز اور ایم کیو ایم پہلے ہی تحفظات کا اظہار کرچکی ہے ۔