فارنگ فنڈنگ کیس ،سابق گورنرخیبرپختونخوا شاہ فرمان ایف آئی اے میں پیش،21 سوالوں پر مشتمل سوالنامہ دیا

جمعرات 18 اگست 2022 22:57

پشاور(اُردو پوائنٹ اخبارتازہ ترین - این این آئی۔ 18 اگست2022ء) سابق گورنر خیبرپختونخوا اورپی ٹی آئی کے رہنماء شاہ فرمان فارنگ فنڈنگ کیس میں وفاقی تحقیقاتی ایجنسی (ایف آئی ای) میں پیش ہوئے۔ ایف آئی اے کی تحقیقاتی ٹیم نے شاہ فرمان کو 21 سوالوں پر مشتمل سوالنامہ دیا۔ایف آئی اے حکام نے سابق گورنر خیبر پختونخوا شاہ فرمان کو طلب کیا تھا ۔ ایف آئی اے کی 3 رکنی ٹیم پی ٹی آئی کی فارن فنڈنگ کیس کی تحقیقات کررہی ہے ۔

(جاری ہے)

ایف آئی اے میں پیشی کے بعد میڈیا سے بات چیت کرتے ہوئے شاہ فرمان نے کہا کہ مجھے ایک اکاونٹ کھولنے سے متعلق ایف آئی اے دفتر بلایا گیا ۔صوبائی دفاتر کے اخراجات کے لئے یہ اکاونٹ کھولا گیا ۔پی ٹی آئی نے ریکارڈ پر لانے کے لئے اکاونٹ کھولا تھا۔ شاہ فرمان کا کہنا تھا کہ جس بندے نے اس اکاونٹ میں پیسے ڈالے اسی بندے نے کیس دائر کیا ہے ۔گزشتہ 5 سال میں اس اکاونٹ میں صرف 20 لاکھ روپے آئے ۔ اس اکاونٹ میں 45 ہزار روپے ماہانہ جمع ہوئے ۔ ہم نے قوم کا پیسہ اکاونٹ میں جمع نہیں کیا۔