کراچی ایئر پورٹ، جعلی دستاویزات پر کولمبیا جانیوالے 7مسافر آف لوڈ

پیر 12 دسمبر 2022 22:46

کراچی (اُردو پوائنٹ اخبارتازہ ترین - این این آئی۔ 12 دسمبر2022ء) ایف آئی اے امیگریشن نے کراچی ایئر پورٹ پر کارروائی کرتے ہوئے جعلی دستاویزات پر کولمبیا کا سفر کرنے والے 7 مسافروں کو آف لوڈ کر دیا۔آف لوڈ کیے گئے مسافروں میں عرفان الدین، محمد عمار، رمیش کمار، محمد سیف اللہ، اکرام شاہ، شیر زادہ اور ریحان احمد شامل ہیں۔

(جاری ہے)

ترجمان ایف آئی اے کے مطابق یہ مسافر بطور سی مین ملازمت کی غرض سے کولمبیا کا سفر کر رہے تھے۔ایف آئی اے کے ترجمان نے مزید بتایا ہے کہ مسافروں کی جانب سے پیش کی جانے والی سفری دستاویزات جعلی نکلیں۔بعد ازاں پاناما سی ڈی سیز کی مزید جانچ پڑتال اور قانونی کارروائی کے لیے ملزمان کو ایف آئی اے اینٹی ہیومن ٹریفیکنگ سرکل کراچی کے حوالے کر دیا گیا ہے۔