پی ڈی ایم کی جانب سے پرویزالہیٰ کو اپنا وزیراعلیٰ نامزد کرنے کی پیش کش

پرویزالہیٰ کو مستعفی ہونے کے لیے 24 گھنٹوں کا وقت دیا گیا۔اگر پرویز الہیٰ آج استعفیٰ دے دیتے ہیں تو کل مسلم لیگ ن اور پیپلز پارٹی کی حمایت سے دوبارہ وزیراعلیٰ منتخب ہو کر اسمبلی کی مدت پوری کرسکتے ہیں

مقدس فاروق اعوان بدھ 21 دسمبر 2022 11:43

لاہور(اردوپوائنٹ اخبارتازہ ترین۔21 دسمبر 2022ء) پی ڈی ایم کی جانب سے پرویزالہیٰ کو اپنا وزیراعلیٰ نامزد کرنے کی پیش کش کی گئی ہے۔سابق صدر مملکت آصف علی زرداری نے منگل کو مسلم لیگ( ق) کے سربراہ چوہدری شجاعت حسین سے دوسری ملاقات کی جس میں پنجاب اسمبلی میں اعتماد کے ووٹ اور تحریک عدم اعتماد پر حتمی مشاورت کی گئی۔ ملاقات میں دونوں رہنمائوں نے پنجاب میں سیاسی صورتحال پر تبادلہ خیال کیا۔

اس موقع پر سندھ کے صوبائی وزیر ناصر حسین شاہ اور وزیر اعظم کے مشیر ملک احمد خان نے رہنمائوں کو اہم امور پر بریفنگ دی۔ملاقات میں وفاقی وزیر چوہدری سالک حسین اور طارق بشیر چیمہ بھی موجود تھے۔ جی این این نیوز کے مطابق پی ڈی ایم کی جانب سے پرویزالہیٰ کو اپنا وزیراعلیٰ نامزد کرنے کی پیش کش کی گئی،ملاقات میں اس بات بھی مشارت کی گئی۔

(جاری ہے)

پرویزالہیٰ کو مستعفی ہونے کے لیے 24 گھنٹوں کا وقت دیا گیا۔

اگر پرویز الہیٰ آج استعفیٰ دے دیتے ہیں تو کل پی ڈی ایم انہیں وزیراعلیٰ نامزد کر دے گی۔پرویز الہیٰ مسلم لیگ ن اور پیپلز پارٹی کی حمایت سے دوبارہ وزیراعلیٰ منتخب ہو کر اسمبلی کی مدت پوری کریں گے۔جبکہ پی ڈی ایم کی وزیراعلیٰ پرویز الہیٰ کو وزارت اعلیٰ کی پیشکش پر مونس الہیٰ کا ردِعمل بھی آیا تھا۔۔انہوں نے اس حوالے سے کیے گئے ایک ٹویٹ کے جواب میں کہا کہ پی ڈی ایم کی طرف سے وزارت اعلیٰ کی پیشکش میں دلچسپی نہیں، ایبسلوٹلی ناٹ۔

Not interested. Absolutely Not! https://t.co/LIwotwF6cN
— Moonis Elahi (@MoonisElahi6) December 19, 2022

۔جبکہ یہ خبریں بھی گردش کر رہی ہیں کہ پاکستان ڈیمو کریٹک موومنٹ (پی ڈی ایم) کی جانب سے وزارت اعلیٰ پنجاب پیپلز پارٹی کو دیے جانے کا امکان ہے۔ذرائع پیپلزپارٹی کے مطابق چوہدری شجاعت حسین نے اپنا وزن پیپلزپارٹی کے پلڑے میں ڈال دیا ہے جس کے بعد اپوزیشن کی جانب سے وزارت اعلیٰ پیپلز پارٹی کو دیے جانے کا امکان ہے۔ذرائع پیپلزپارٹی نے بتایا کہ اتفاق رائے کی صورت میں اسپیکر اور ڈپٹی اسپیکر کے امیدوار ن لیگ سے ہوں گے۔