نینسی پیلوسی کے شوہر پر ہتھوڑے سے حملے کی ویڈیو جاری

ہفتہ 28 جنوری 2023 21:53

واشنگٹن (اُردو پوائنٹ اخبارتازہ ترین - آن لائن۔ 28 جنوری2023ء) امریکی ایوانِ نمائندگان کی سابق اسپیکر نینسی پیلوسی کے شوہر پر حملے کی ویڈیو جاری کردی گئی۔غیرملکی خبر رساں ادارے کے مطابق حملے کے وقت موقع پر پہنچنے والے پولیس اہلکاروں کے باڈی کیم کے ذریعے ریکارڈ ہونے والی ویڈیو جاری کی گئی ہے۔

(جاری ہے)

رپورٹس کے مطابق 42 سالہ ملزم نینسی پیلوسی کو قتل کرنا چاہتا تھا تاہم وہ گھر پر موجود نہ تھیں جس کے بعد حملہ آور نے ان کے 82 سالہ شوہر پال پیلوسی پر ہتھوڑے سے حملہ کیا۔

ویڈیو میں دیکھا جاسکتا ہے کہ پولیس اہلکار کے دروازہ کھٹکھٹانے پر ملزم دروازہ کھولتا ہے جس کے بعد پولیس اس سے ہتھوڑا نیچے پھینکنے کو کہتی ہے جس کے فوری بعد ملزم پال پیلوسی پر حملہ کردیتا ہے۔ملزم کے حملہ کرنے کے فوری بعد پولیس اہلکار آگے بڑھ کر ملزم کو گرفتار کرلیتے ہیں۔