علاقہ مکینوں نے ڈرامے کی شوٹنگ کے دوران حرا مانی و دیگر اسٹاف پر حملہ کر دیا

ایک ہجوم نے اداکارہ اور عملے کے ارکان کو ہراساں کیا، ان کے موبائل فونز اور دیگر سامان بھی چوری کر لیا۔ڈائریکٹر نبیل قریشی کا ٹویٹ

مقدس فاروق اعوان منگل 7 فروری 2023 11:11

علاقہ مکینوں نے ڈرامے کی شوٹنگ کے دوران حرا مانی و دیگر اسٹاف پر حملہ ..

کراچی (اردوپوائنٹ،اخبارتازہ ترین ۔07 فروری 2022ء) کراچی میں نجی ٹی وی چینل کے ڈرامے کی شوٹنگ کے دوران ایک افسوسناک واقعہ پیش آیا جہاں علاقہ مکینوں نے فلم ڈائریکٹر نبیل قریشی، اداکارہ حرا مانی اور دیگر عملے پر حملہ کر دیا۔نجی ٹی وی ڈرامے کی شوٹنگ پی آئی بی کالونی جمشید کوارٹر میں جاری تھی کہ اچانک علاقہ مکینوں نے اسٹاف سے بدتمیزی کی اور ان پر حملہ کیا۔

اسی حوالے سے ڈائریکٹر نبیل قریشی نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ ایک ہجوم نے اداکارہ اور عملے کے ارکان کو ہراساں کیا، ان کے موبائل فونز اور دیگر سامان بھی چوری کیا گیا۔

1/1 We has been attacked by mov in PIB Colony/jamshed quater martin road during shoot they got into the house we were shooting a hundred of people they harrases women/actresses, beat the shit out of crew, stole mobiles, equipment @HiraMani_real @ManiSalmanKhi #gulerana
— Nabeel Qureshi (@nabeelqureshi) February 6, 2023

انہوں نے مزید بتایا کہ حملہ آور ہتھیاروں سے لیس تھے، اس سے قبل کراچی میں ایسا واقعہ پیش نہیں آیا۔

(جاری ہے)

نبیل قریشی نے حکام سے مطالبپ کیا کہ واقعے میں ملوث ملزمان کے خلاف سخت کارروائی کی جائے تاکہ اس واقعے کو ایک مثال بنایا جا سکے اور فلم سازوں کے مستقبل کے تحفظ کو یقینی بنایا جائے۔

1/2 we are sitting here in PIB police station, they attacked like anything honestly this never happened before in karachi, they were equipped with weapons, they stole mobiles wallet they do not care about ladies they raise their hands etc.
— Nabeel Qureshi (@nabeelqureshi) February 6, 2023

جبکہ اداکارہ حرا مانی نے واقعے پر ردعمل دیتے ہوئے کہا کہ یہ ایک بہت برا حادثہ تھا جس کا مشاہدہ کیا، دعا کرتی ہوں کہ کوئی بھی زندگی میں کبھی ایسے کسی واقعے سے نہ گزرے۔انہوں نے اسٹاف کا شکریہ ادا کرتے ہوئے کہا کہ انہوں نے ہمیں بچانے کے لیے اپنی آخری حد تک کوشش کی اور زخمی ہو گئے۔اداکارہ نے مزید کہا کہ عملے کے زخمی افراد اسپتال میں داخل ہیں ان کی جلد صحت یابی کے لیے دعا کیجئے۔ پولیس نے ابتدائی طور پر دو افراد کو حراست میں لے لیا، پولیس نے واقعے سے متعلق تفتیش کا بھی آغاز کر دیا۔دیگر اداکاروں نے بھی واقعے کی سخت مذمت کرتے ہوئے ذمہ داران کے خلاف کارروائی کا مطالبہ کیا۔