الزامات بے بنیاد قرار، بریگیڈیئر (ر) راشد نصیر نے یوٹیوبرعادل راجہ کے خلاف ہتکِ عزت کا مقدمہ جیت لیا

عادل راجہ کو ہرجانے اور عدالتی اخراجات کی مد میں 13 کروڑ روپے ادا کرنا ہوں گے، لندن ہائیکورٹ

فیضان ہاشمی جمعرات 9 اکتوبر 2025 16:00

الزامات بے بنیاد قرار، بریگیڈیئر (ر) راشد نصیر نے یوٹیوبرعادل راجہ ..

لندن (اُردو پوائنٹ اخبارتازہ ترین۔ 09 اکتوبر2025ء) بریگیڈیئر (ر) راشد نصیر نے لندن ہائیکورٹ میں یوٹیوبر عادل راجہ کے خلاف ہتکِ عزت کا مقدمہ جیت لیا، عدالت نے عادل راجہ کو ہرجانے اور عدالتی اخراجات کی مد میں 13 کروڑ روپے ادا کرنے کا حکم دیا۔

(جاری ہے)

جج لندن ہائیکورٹ کا کہنا ہے کہ عادل راجہ نے بریگیڈیئر (ر) راشد نصیر کو بدنام کیا اور ان پر جھوٹے الزامات لگائے، عادل راجہ کو بریگیڈیئر (ر) راشد نصیر کو 50 ہزار پاؤنڈ ہرجانہ ادا کرنا ہوں گے۔

جج نے عادل راجہ کو بریگیڈیئر (ر) راشد نصیر کو عدالتی اخرجات کے تقریباً 3 لاکھ پاؤنڈ بھی دینے کا حکم دیا اور یہ احکامات بھی جاری کئے کہ عادل راجہ اپنے تمام میڈیا پلیٹ فارمز پر راشد نصیر کے کیس جیتنے کی خبر دیں گے۔ جج رچرڈ سپئیرمین نے تسلیم کیا کہ ان میڈیا آئٹمز سے راشد نصیر کی شہرت کو نقصان پہنچا اور عادل راجہ اپنے الزامات کو ثابت کرنے میں ناکام رہے۔