آئی سی سی ویمنز ٹی ٹونٹی ورلڈ کپ ، آسٹریلیا اور سری لنکا کی ٹیموں کے درمیان میچ کل ہوگا

بدھ 15 فروری 2023 17:01

جوہانسبرگ (اُردو پوائنٹ اخبارتازہ ترین - اے پی پی۔ 15 فروری2023ء) انٹرنیشنل کرکٹ کونسل (آئی سی سی)کے زیر اہتمام ویمنز ٹی ٹونٹی ورلڈ کپ کا آٹھویں ایڈیشن کا باضابطہ آغاز جنوبی افریقا میں ہوچکا ہے، میگا ایونٹ میں مزید ایک میچ کا فیصلہ کل( جمعرات کو )ہوگا ، جس میں دفاعی چیمپئن آسٹریلیا اور سری لنکا کی خواتین ٹیمیں پنجہ آزمائی کریں گی۔

(جاری ہے)

دفاعی چیمپئن آسٹریلوی ٹیم کو میگ لیننگ لیڈ کر رہی ہیں جبکہ سری لنکن ویمن ٹیم چماری اتھاپتھو کی زیر قیادت میدان میں اترے گی۔ میگا ایونٹ میں 10 خواتین ٹیمیں ٹائٹل کے حصول کے لئے پنجہ آزمائی کریں گی۔ آسٹریلوی ویمن ٹیم ٹائٹل کے دفاع کے لئے کوشاں ہے ۔ ویمنز ٹی ٹونٹی ورلڈ کپ 2023کا فائنل میچ 26 فروری کو شیڈول ہے جبکہ 27 فروری فائنل کا ریزرو ڈے ہوگا۔ واضح رہے کے پاکستانی خواتین ٹیم اپنا تیسرا میچ 19 فروری کو ویسٹ انڈیز اور چوتھا میچ 21 فروری کو انگلینڈ کے خلاف کھیلے گی۔