فروری میں معمول سے 77 فیصد کم بارش ہوئی‘ محکمہ موسمیات

مہینے کا گرم ترین دن 16 فروری کو مٹھی میں ریکارڈ کیا گیا

ہفتہ 4 مارچ 2023 15:09

لاہو ر(اُردو پوائنٹ اخبارتازہ ترین - این این آئی۔ 04 مارچ2023ء) محکمہ موسمیات کا کہنا ہے کہ فروری میں معمول سے 77 فیصد کم بارش ہوئی۔محکمہ موسمیات کی جانب سے جاری فروری کے موسمیاتی جائزے میں کہا گیا ہے کہ رواں سال فروری میں بارشیں معمول سے بہت کم ہوئیں۔ فروری کا دن اور رات کا درجہ حرارت معمول کے اوسط سے 3.55ڈگری سینٹی گریڈ زائد رہا۔

(جاری ہے)

محکمہ موسمیات کے مطابق فروری میں معمول سے 77 فیصد کم بارش ہوئی جبکہ 1961ء کے بعد سے دوسرا معمول سے زائد گرم اور پانچواں خشک ترین مہینہ رہا۔

فروری میں دن اور رات کا درجہ حرارت 17.16 ڈگری سینٹی گریڈ رہا۔فروری کا معمول کا اوسط درجہ حرارت 20.49ڈگری سینٹی گریڈ ہے۔مہینے کا گرم ترین دن 16 فروری کو مٹھی میں ریکارڈ کیا گیا جہاں درجہ حرارت 40 ڈگری تک پہنچ گیا تھا۔فروری میں رات کے اوسط درجہ حرارت 9.06ڈگری سینٹی گریڈ رکارڈ ہوا۔