کوٹلی،سہنسہ پولیس کا جرائم پیشہ عناصر کیخلاف کریک ڈاون ، ناجائز اسلحہ ،بھاری مقدار میں چرس برآمد ،دو ملزمان گرفتار

ہفتہ 18 مارچ 2023 16:08

کوٹلی(اُردو پوائنٹ اخبارتازہ ترین - این این آئی۔ 18 مارچ2023ء) تھانہ پولیس سہنسہ کا جرائم پیشہ عناصر کے خلاف کریک ڈاون ، ناجائز اسلحہ اور بھاری مقدار میں چرس برآمد کر لی ،دو ملزمان گرفتار کر کے مقدمات درج کرلئے گئے۔

(جاری ہے)

تفصیلات کے مطابق آئی جی پولیس آزاد کشمیر امیر احمد شیخ کے احکامات کی روشنی ڈی آئی جی خالد چوہان اور ایس پی کوٹلی ریاض مغل کی ہدایت پر ایس ایچ او تھانہ سہنسہ راجہ عامر فاروق نے ہمراہ اے ایس آئی راجہ ذوالفقار، ڈی ایف سی سردار فہیم، محمد خطیب،سعید عزیز معہ نفری چھوچھ روڈ حاجی آباد کے مقام پر دوران پڑتال اسلحہ منشیات مشکوک موٹرسائیکل سوار نے پولیس کو دیکھ کر فرار ہونے کی کوشش کی جس کو پولیس ملازمین ناکام بنا تے ہو ئے حراست میں لے کر نام پتہ دریافت کیا تو اس نے اپنا نام عامر ولد نزیر بتا معقول شعبہ پر تلاشی لی تو دوران تلاشی ملزم کے قبضہ سے 530 گرام چرس برآمد کر کے ملزم کے خلاف منشیات ایکٹ کے تحت مقدمہ درج کر کے تفتیش شروع دوران تفتیش کر دی دوسری کاروائی کے دوران سبیل نامی شخص سے تیس بور پسٹل برآمد کر کے ملزم کو گرفتار کر کے ناجائز اسلحہ ایکٹ پندرہ ضمن دو آرمز ایکٹ کے تحت مقدمہ درج کر کے تفتیش شروع دوران تفتیش سنسی خیز انکشافات متوقع ہیں۔