eپینٹا گون کا ''لیک گیٹ'' پوری دنیا میں مشہور ہو گیا
ق* 2013 میں وکی لیکس کے لیک ہونے کے بعد یہ اس نوعیت کا سب سے سنگین واقعہ بن گیا
جمعرات 13 اپریل 2023 18:40
(جاری ہے)
مقامی وقت کے مطابق 11 تاریخ کو، امریکی وزیر دفاع آسٹن نے پہلی بار ''لیک گیٹ'' واقعے پر عوامی سطح پر تبصرہ کرتے ہوئے کہا کہ انہیں انٹیلی جنس دستاویزات کے افشاں ہونے کے ایک ماہ بعد ہی اس بارے میں معلوم ہوا۔
پریشان امریکی اہلکاروں نے اس بات کا عزم کیا کہ وہ مواد لیک کرنے والے کو تلاش کرنے میں کوئی کسر نہیں چھوڑیں گے۔ یہ ''لیک گیٹ'' کی صداقت کے بالواسطہ اعتراف کے مترادف ہے اور ساتھ ہی اس بات کے بھی کہ امریکہ اور اس کے اتحادی بخوبی جانتے ہیں کہ یہ مواد کس قدر مہلک ہو سکتا ہے۔کئی دہائیوں سے یہ ایک کھلا راز رہا ہے کہ امریکہ اپنے اتحادیوں کی نگرانی کرتا رہا ہے لیکن اس تازہ انکشاف نے امریکہ کے اتحادیوں کو شدید نقصان پہنچایا ہے۔ مثال کے طور پر، دستاویزات میں روس اور یوکرین کے درمیان تنازعات کے بارے میں بڑی تعداد میں تفصیلات موجود ہیں، جن میں یوکرین کی فوج کے موسم بہار کے جارحانہ منصوبے، یوکرین کی فوج کی تشکیل میں مغربی ممالک کی مدد، ہتھیاروں کی ترسیل، اور فوجیوں کی تعداد شامل ہے۔ اس کے ساتھ ساتھ، دستاویزات سے پتہ چلتا ہے کہ امریکہ نے یوکرین کے صدر زیلنسکی کی نگرانی بھی کی ہے۔ سی این این نے زیلنسکی کے قریبی لوگوں کے حوالے سے بتایا کہ یوکرین، معلومات کے لیک ہونے پر شدید ناراض ہے۔اس کے علاوہ، اسرائیل کی عدالتی اصلاحات اور یوکرین کو مہلک ہتھیار فراہم کرنے اور جنوبی کوریا کے حکام کی خفیہ مشاورت، سب کچھ امریکہ کی نگرانی میں ہے۔ان معلومات سے یہ اندازہ لگایا جا سکتا ہے کہ امریکہ،روس یوکرین تنازع میں کس حد تک ملوث ہے اور وہ کس طرح حالات کی سمت کو اپنے قابو میں کرنا چاہتا ہے اور یہ بھی کہ امریکہ اپنے اتحادیوں سمیت کسی بھی ملک پر اعتماد نہیں کرتا۔امریکہ کو نگرانی کا اتنا جنون کیوں ہی امریکہ کی تسلط پسندانہ سوچ میں کبھی بھی اتحادیوں کا حقیقی تصور نہیں رہا۔جیسا کہ سی آئی اے کے سابق تجزیہ کار ریمنڈ میک گورن نے کہاکہ امریکہ کے نام نہاد اتحادی دراصل صرف امریکہ کے جاگیردار ہیں۔ امریکہ کو ایسے اتحادیوں کا سامنا ہے جو بہت زیادہ فرمانبردار نہیں ہیں جس کا امریکی حل یہ ہے کہ اتحادیوں پر کنٹرول کو مضبوط کیا جائے اور ان کی ہر حرکت سے ہمیشہ چوکنا رہا جائے۔یوں اتحادیوں کی چالوں اور منصوبوں کی نگرانی امریکہ کے لیے ضروری ہو گئی ہے۔مزید بین الاقوامی خبریں
-
سات وکٹیں ،انڈونیشیا کی روہمالیا نے ویمن ٹی ٹوئنٹی میں تاریخ رقم کردی
-
عازمین سوشل میڈیا کے ذریعے رابطہ کرنے والی جعلی حج کمپنیوں کے فراڈ کا نشانہ بننے سے بچیں، سعودی وزارت حج
-
ٹک ٹاک کا امریکی صدرکے دستخط کردہ قانون کو چیلنج کرنے کا اعلان
-
غزہ کو امداد کی ترسیل، عارضی بندرگاہ کی تعمیر شروع کر دی گئی ، پینٹاگان
-
ٹرمپ نے امریکی تعلیم گاہوں میں جنگ مخالف ریلیوں کو بد ترین نفرت کا نام دے دیا
-
فرانس کی طرف سے اسرائیلی آباد کاروں پرپابندیوں کی دھمکی
-
ٹک ٹاک کی مالک کمپنی کا ایپ فروخت کرنے سے انکار
-
سڈنی، چاقوحملے میں جاں بحق پاکستانی گارڈ کی نمازجنازہ
-
گزشتہ سال دنیا کے 28 کروڑ افراد شدید غذائی قلت کا شکار رہے، اقوام متحدہ
-
مسجد نبوی ﷺمیں ایک ہفتہ کے دوران 60 لاکھ زائرین کی آمد
-
ملائیشیا کے سابق وزیر اعظم کو انسداد بدعنوانی کی تحقیقات کا سامنا
-
غزہ سے ملنے والی اجتماعی قبروں میں فلسطینیوں کو زندہ دفن کیے جانے کا دعوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.