اسلام قبول کرنے والی بھارتی اداکارہ دیپیکا ککڑکا شوبز کو خیربادکہنے کا اعلان

پیر 29 مئی 2023 21:42

ممبئی (اُردو پوائنٹ اخبارتازہ ترین - آن لائن۔ 29 مئی2023ء) بھارتی ٹی وی شو ’ سسرال سمر کا سے مشہور ہونے والی اداکارہ دپیکا ککڑ نے شوبز کو خیر باد کہہ دیا۔

(جاری ہے)

دیپیکا ککڑ 2018 میں بھارتی ڈرامہ سیریل سسرال ثمر کا کے کو اسٹار شعیب ابراہیم سے شادی سے قبل دائرہ اسلام میں داخل ہو گئی تھیں، مسلمان ہونے کے بعد اداکارہ نے اپنا نام بھی دیپیکا سے فائزہ میں تبدیل کرلیا تھا حال ہی میں شعیب ابراہیم نے اہلیہ کے حاملہ ہونیکی خبر دی تھی۔

بھارتی میڈیا کو دیے گئے انٹرویو میں اداکارہ نے بتایا کہ اپنے پہلے حمل اور بچے کی آمد سے لطف اندوز ہورہی ہوں، میں کم عمری سے ہی کام کر رہی ہوں۔ اداکارہ کا کہنا تھا کہ اس شعبے میں 10 سے 15 سال کا عرصہ ہوگیا ہے لیکن جب میں حاملہ ہوئی تو میں نے شعیب سے کہا کہ میں مزید کام نہیں کرنا چاہی اور اداکاری کو خیر باد کہنا چاہتی ہوں، میں آگے کی زندگی بطور ماں اور بطور ہاؤس وائف گزارنا چاہتی ہوں۔