جھانوی کپور فلم’بوال‘ کی کامیابی پر جذباتی ہوگئیں

مقابلے اور توثیق کی دوڑ میں تاثر پیدا کرنے ،نشا کو اپنانے ،اجو کو سٴْدھارنے ،کہانی اور کام کو پیار دینے کیلئے آپ سب کا شکریہ، اداکارہ

بدھ 26 جولائی 2023 19:40

ممبئی (اُردو پوائنٹ اخبارتازہ ترین - این این آئی۔ 26 جولائی2023ء) بالی ووڈ اداکارہ جھانوی کپور نے فلم ’بوال‘ کی کامیابی کے بعد اپنے مداحوں کے لیے ایک جذباتی پیغام شیئر کیا ہے۔ جھانوی کپور نے انسٹاگرام پر فلم ’بوال‘ کے سیٹ سے کچھ تصویریں شیئر کی ہیںجس کے کیپشن میں لکھا کہ ’آپ کا پیار بوال ہے‘۔اٴْنہوں نے مداحوں کا شکریہ ادا کرتے ہوئے لکھا کہ’مقابلے اور توثیق کی دوڑ میں تاثر پیدا کرنے کے لیے، نشا کو اپنانے کے لیے، اجو کو سٴْدھارنے کے لیے، ہماری کہانی اور کام کو اتنا پیار دینے کے لیے آپ سب کا شکریہ‘۔

جھانوی کپور نے لکھا کہ’بعض اوقات ہمارا دماغ ہمیں اس کی قدر کرنے کی اجازت نہیں دیتا جو ہمارے پاس ہے‘۔اٴْنہوں نے لکھا کہ ’تاریخ کے ایک دور میں بہت سے لوگوں کو جن غیر انسانی مشکلات کا سامنا کرنا پڑا، ان کی روشنی میں شاید ہم یہ جان سکتے ہیں کہ زندگی عارضی ہے اور ہمارے مسائل معمولی ہیں‘۔

(جاری ہے)

جھانوی کپور نے اپنی بات مکمل کرتے ہوئے لکھا کہ’اہم بات یہ نہیں ہے کہ آپ کے پاس کیا ہے بلکہ اہم یہ ہے کہ آپ کیا ہیں اور یہ بھی اہم ہے کہ بعض اوقات ہم سب سے آسان چیزوں کی قدر کرنا بھول جاتے ہیں جب تک کہ ہم ان چیزوں کو کھو نہ دیں، فلم بوال دیکھنے کے بعد ا?پ میں سے بہت سے لوگوں میں یہ احساسات اور ہر چیز کی قدر دیکھ کر دلی خوشی ہوئی‘۔