ایکس (ٹوئٹر) صارفین کے لیے ویڈیو اور آڈیو کالز کا فیچر متعارف کرانے کو تیار

نئے فیچر سے مستفید ہونے کے لیے فون نمبر کی ضرورت بھی نہیں ہو گی۔ایلون مسک

مقدس فاروق اعوان جمعرات 31 اگست 2023 13:13

ایکس (ٹوئٹر) صارفین کے لیے ویڈیو اور آڈیو کالز کا فیچر متعارف کرانے ..

اسلام آباد(اردو پوائنٹ تازہ ترین اخبار ۔ 31 اگست 2023ء) مائیکرو بلاگنگ ویب سائٹ ایکس (ٹوئٹر) کے صارفین جلد آڈیو اور ویڈیو کال کی سہولت سے مستفید ہوں گے۔ معروف کاروباری شخصیت، اسپیس ایکس کے بانی سوشل میڈیا ایپلکیشن ایکس کے مالک، ٹیسلا کمپنی کے سی ای او اور چیف ٹیکنالوجی آفیسر ایلون مسک نے ایکس (ٹوئٹر) پر بتایا ہے کہ ایکس (ٹوئٹر) پر آڈیو اور ویڈیو کالز کا فیچر آ رہا ہے جس کے لیے فون نمبر کی ضرورت بھی نہیں ہو گی۔

آڈیو اور ویڈیو کال کا فیچر iOS، اینڈرائڈ،میک اور پی سی استعمال کرنے والے صارفین کے لیے دستیاب ہوگا۔ایلون مسک نے کہا کہ ایکس ایک موثر عالمی ایڈریس بک ہے۔

Video & audio calls coming to X:

- Works on iOS, Android, Mac & PC
- No phone number needed
- X is the effective global address book

That set of factors is unique.
— Elon Musk (@elonmusk) August 31, 2023

۔ اس کے علاوہ ایلون مسک نے ایکس (ٹوئٹر) کے صارفین کے لیے ناپسندیدہ اکاؤنٹس کو بلاک کرنے کا آپشن ختم کرنے کا بھی عندیہ دیا۔

(جاری ہے)

ایلون مسک کی جانب سے ایک ٹوئٹ کے مطابق اب ایکس پلیٹ فارم کے صارفین دیگر اکاؤنٹس کو بلاک نہیں کر سکیں گے۔

ایلون مسک کے مطابق ایکس ایپلیکیشن سے بلاک کا فیچر ختم کیا جا رہا ہے۔انہوں نے اپنے ایکس اکاؤنٹ پر ایک مختصر ٹوئٹ میں بتایا کہ بلاک کو فیچر کے طور پر ختم کیا جا رہا ہے تاہم میسجز میں بلاک فیچر کو ختم نہیں کیا جائے گا۔ بلکہ ایکس پلیٹ فارم پر میوٹ فنکشن برقرار رہے گا۔دوسری جانب ایک غیر ملکی سماجی کارکن، مونیکا لیونسکی نے ایک ٹوئٹ میں ایلون مسک سے کہا ہے کہ ’بلاک فیچر کو ہٹانا کے اقدام پر دوبارہ ریویو کیا جانا چاہیے کیونکہ یہ صارفین کی حفاظت کے لیے اہم فیچر ہے۔

جس پر ایکس کی چیف ایگزیکٹو لنڈا یاکارینو نے ایلون مسک کے اس فیصلے کا دفاع کرتے ہوئے لکھا ہے کہ ایکس کے تمام صارفین کی حفاظت ہماری اولین ترجیح ہے اور ہم بلاک اور میوٹ کرنے کے فیچر سے مزید بہتر فیچر بناتے رہے ہیں۔