زرمبادلہ کے ذخائر میں گزشتہ ہفتے کے دوران بڑا اضافہ

کمرشل بینکوں کے پاس 5ارب 41کروڑ 38 لاکھ ڈالر کے ذخائر موجود ہیں، سٹیٹ بینک

جمعرات 25 ستمبر 2025 22:15

زرمبادلہ کے ذخائر میں گزشتہ ہفتے کے دوران بڑا اضافہ

کراچی(اُردو پوائنٹ اخبارتازہ ترین - این این آئی۔ 25 ستمبر2025ء)سٹیٹ بینک آف پاکستان نے بتایا ہے کہ زرمبادلہ کے سرکاری ذخائر میں گزشتہ ہفتے کے دوران 2کروڑ 20لاکھ ڈالر کا اضافہ ہوا ہے۔

(جاری ہے)

سٹیٹ بینک کے اعداد وشمار کے مطابق اضافے کے بعد سرکاری ذخائر کی مالیت 14ارب 37کروڑ 95لاکھ ڈالر کی سطح پر آگئی ہے۔اعداد وشمار میں بتایا گیا کہ زرمبادلہ کے مجموعی ذخائر کی مالیت 19ارب 79کروڑ93لاکھ ڈالر ریکارڈ کی گئی ہے، جس میں کمرشل بینکوں کے پاس موجود 5ارب 41کروڑ 38لاکھ ڈالر کے ذخائر بھی شامل ہیں۔