چیئرمین پی ٹی آئی اور شیخ رشید کو لانگ مارچ توڑپھوڑ کیس میں عدالت میں پیش کرنے کی درخواست پر فیصلہ محفوظ

بدھ 20 ستمبر 2023 22:47

اسلام آباد (اُردو پوائنٹ اخبارتازہ ترین - اے پی پی۔ 20 ستمبر2023ء) سول جج جوڈیشل مجسٹریٹ صہیب بلال رانجھا کی عدالت نے چیئرمین پی ٹی آئی اور شیخ رشید کو لانگ مارچ توڑپھوڑ کیس میں عدالت میں پیش کرنے کی درخواست پر فیصلہ محفوظ کرلیا۔

(جاری ہے)

بدھ کو سماعت کے دوران ملزمان کے وکیل نے چیئرمین پی ٹی آئی اور شیخ رشید کی جانب سے عدالت پروڈکشن کی دو درخواستیں دائر کرتے ہوئے کہا کہ چیئرمین پی ٹی آئی گرفتار ہیں ، عدالت پیش کیا جائے، صرف رپورٹ نہیں چیئرمین پی ٹی آئی کو عدالت میں پیش کرنے کا حکم دیا جائے کیونکہ سپرنٹنڈنٹ اٹک جیل سے رپورٹ مانگی تو سکیورٹی خدشات کا بہانہ بن جائےگا، شیخ رشید کا کچھ علم نہیں کہاں ہیں،انہیں بھی عدالت میں پیش کرنے کے احکامات جاری کئے جائیں۔

وکیل نے کہا کہ صداقت علی عباسی کا بھی کوئی اتا پتہ نہیں ہے۔عدالت نے دلائل سننے کے بعد فیصلہ محفوظ کرلیا۔