Live Updates

عوام سے کیا وعدہ پورا کردیا، اللہ کا شکر کہ اُس نے فتح سے نوازا، ترجمان پاک فوج

عوام اور سیاسی جماعتوں کی قیادت کے شکر گزار ہیں جو آپریشن بنیان مرصوص کے دوران ریاست کے ساتھ کھڑے رہے، خاص طور پر نوجوانوں کے شکرگزار ہیں؛ لیفٹیننٹ جنرل احمد شریف چوہدری

ساجد علی اتوار 11 مئی 2025 22:43

عوام سے کیا وعدہ پورا کردیا، اللہ کا شکر کہ اُس نے فتح سے نوازا، ترجمان ..

راولپنڈی ( اُردو پوائنٹ اخبارتازہ ترین۔ 11 مئی 2025ء ) ڈی جی آئی ایس پی آر لیفٹیننٹ جنرل احمد شریف چوہدری کا کہنا ہے کہ افواجِ پاکستان نے اپنے عوام سے کیا گیا وعدہ پورا کیا ہے، اللہ کا شکر ادا کرتے ہیں کہ اُس نے فتح سے نوازا، خاص طور پر نوجوانوں کے شکرگزار ہیں جو سوشل میڈیا پر فرنٹ لائن سولجر اور سائبر جنگجو بن کر پاکستان کیلئے لڑے۔ ڈی جی آئی ایس پی آر، پاک فضائیہ اور پاک نیوی کے سینئر افسران کی میڈیا بریفنگ کے دوران انہوں نے بتایا کہ 6 اور 7 مئی کو بھارتی جارحیت کےباعث بچوں اور عورتوں سمیت بے گناہ شہری شہید ہوئے، ہمارے دل اور ہمدردیاں شہدا کے اہل خانہ کے ساتھ ہیں، بھارتی جارحیت کے خلاف پاکستان نے آپریشن بنیان مرصوص شروع کیا۔

لیفٹیننٹ جنرل احمد شریف چوہدری نے بتایا کہ سورت گڑھ، سرسہ، آدم پور، اونتی پورہ، اودھم پور، پٹھان کوٹ میں اہداف کو نشانہ بنایا، بھارت نے معصوم بچوں اور خواتین کو نشانہ بنایا، پاکستان ائیر فورس نے ان بیسز کو نشانہ بنایا جہاں سے پاکستان پر میزائیل داغے گئے تھے، پاکستان ائیر فورس نے کامیابی کے ساتھ بھارت کے S400 کو کامیابی سے نشانہ بنایا، پاکستان کے خلاف استعمال ہونے والے 26 ملٹری تنصیبات کو کامیابی سے نشانہ بنایا۔

(جاری ہے)

انہوں نے کہا کہ اللہ کا شکر ادا کرتے ہیں کہ اُس نے فتح سے نوازا، الحمد اللہ پاکستان کی مسلح افواج نے قوم سے کیا وعدہ بنھایا، پاکستان کی مسلح افواج پوری قوم خصوصاً نوجوانوں کا شکریہ ادا کرتے ہیں جنہوں نے افواج ہاکستان کی حوصلہ افزائی کی، نوجوان انفارمیشن وار فیئر میں فرنٹ لائن سولجر ہیں ان کا خصوصی شکریہ ادا کرتے ہیں، ہم ان نوجوانوں کے مقروض ہیں جنہوں نے آپریشن کے دوران سائیبر وار میں دشمن کا مقابلہ کیا۔