کمشنر لاہور کی شہر میں آشوب چشم کے حوالے سے ہدایات جاری

جمعہ 22 ستمبر 2023 22:37

لاہور (اُردو پوائنٹ اخبارتازہ ترین - این این آئی۔ 22 ستمبر2023ء) کمشنر لاہور محمد علی رندھاوا نے شہر میں آشوب چشم کے حوالے سے ہدایات جاری کرتے ہوئے کہا ہے کہ سکولوں کے اساتذہ و ہیڈ ٹیچرز طلبا و طالبات کو آشوب چشم سے احتیاط کی آگاہی دیں۔ کمشنر لاہورنے کہا کہ ایجوکیشن اتھارٹی و ڈائریکٹر کالجز تمام سکولز و کالجز میں فزیکل سکیننگ کرائیں۔

والدین کو آگاہ کریں۔ انہوں نے کہا کہ آنکھوں میں جلن، سوزش، گہری سرخی اور پانی بہنا آشوب چشم کی علامات ہیں۔ فزیکل سکیننگ میں ان علامات پائے جانے پر طلباو طالبات کو احتیاطی تدابیر اختیار کرنے کی آگاہی دیں۔ آشوب چشم کی علامات کی صورت میں بار بار ہاتھ دھوئے جائیں۔ اپنے استعمال کی چیزیں الگ کرلیں۔ کمشنر لاہور نے کہا کہ آشوب چشم علامات کی صورت میں آنکھوں میں پانی ڈالنے کی بجائے معالج سے مشورہ کرکے آنکھوں کے قطرے ڈالے جائیں۔

(جاری ہے)

آشوب چشم کی صورت میں فوری طور پر سیاہ چشمے کا استعمال شروع کریں۔ آشوب چشم تیزی سے پھیلتی ہے اس لئے متاثرہ افراد احتیاطی تدابیر پر سختی سے عمل کریں۔ کمشنر لاہور نے کہان کہ صحت مند افراد آشوب چشم میں مبتلا افراد سے فاصلہ رکھیں۔ ان کے زیر استعمال کوئی چیز استعمال نہ کریں۔ سرکاری ہسپتالوں میں آشوب چشم کے حوالے سے علاج معالجہ کی تمام سہولیات دستیاب ہیں۔ کمشنر لاہور نے شہریوں سے اپیل کی ہے کہ خود بھی اور اپنے بچوں کو بھی آشوب چشم احتیاطی تدابیر اختیار کرائیں۔

Facebook Twitter Google + Share on Whatsapp

کمشنر لاہور کی شہر میں آشوب چشم کے حوالے سے ہدایات جاری

متعلقہ عنوان :

مزید قومی خبریں