Live Updates

بھارتی اینٹی ائیر کرافٹ سسٹم” ایس 400“ کی تباہی پاک بھارت لڑائی کا سب سے بڑا واقعہ قرار

اتوار 11 مئی 2025 21:10

اسلام آباد (اُردو پوائنٹ اخبارتازہ ترین - اے پی پی۔ 11 مئی2025ء) یورپ کی ڈیفنس تجزیاتی ویب سائٹ نے بھارتی اینٹی ائیر کرافٹ سسٹم ایس 400 کی تباہی کو پاک بھارت لڑائی کا سب سے بڑا واقعہ قرار دے دیا۔ کشمیر میڈیاسروس کے مطابق بلغاریہ ملٹری ریویو نے لکھا ہے کہ پاکستانی جوابی حملے میں بھارت کے ایس 400 کی تباہی ہوئی ہے ، یہ سب سے زیادہ ہائی پروفائل واقعہ ہے، آدم پور بیس شمالی بھارت کا مرکزی بیس، سخوئی اسکواڈرن مرکز اور سرحد سے 100 کلومیٹر دور ہے۔

(جاری ہے)

ڈیفنس تجزیاتی ویب سائٹ میں کہا گیا ہے کہ انتہائی اہم ائیر بیس پر روسی ساختہ سسٹم کی تباہی سے بھارتی دفاع کمزور پڑ گیا، پاکستان نے جے ایف 17 تھنڈر میں ہائپر سونک میزائل لگایا ہے جس سے پاک فضائیہ کے حملے کی صلاحیت بہت بڑھ گئی ہے۔بلغاریہ ملٹری ریویو کے مطابق ہو سکتا ہے کہ پاکستان نے چین کے ہائپر سونک میزائلوں کا مقامی ماڈل تیار کیا ہو، ایس 400 تباہی کے بھارت کی دفاعی حکمت عملی پر دور رس نتائج ہوں گے۔ملٹری ریویو میں کہا گیا ہے یہ علامتی پیغام بھی گیا کہ پاکستان بھارت کے بہت اندر جا کر حملہ کرنے کی صلاحیت رکھتا ہے، ایس 400 سیچوریشن حملوں یا ریڈار و کمانڈر پر حملہ کیے جانے پر کمزور پڑجاتا ہے۔