بھارت کے 300ملین ڈالر کے جہاز کو 30ملین ڈالر کے طیارے نے ملبہ بنا دیا، خواجہ آصف

بھارت سے جب بھی بات ہوگی، نکات میں سندھ طاس معاہدہ شامل ہوگا، وزیر دفاع کی نجی ٹی وی سے گفتگو

اتوار 11 مئی 2025 22:45

بھارت کے 300ملین ڈالر کے جہاز کو 30ملین ڈالر کے طیارے نے ملبہ بنا دیا، ..

اسلام آباد(اُردو پوائنٹ اخبارتازہ ترین - این این آئی۔ 11 مئی2025ء)وزیردفاع خواجہ آصف نے کہاہے کہ رافیل کا گرانا مہارت کی مثال ہے، بھارت کے 300ملین ڈالر کے جہاز کو پاک فضائیہ کے 30ملین ڈالر کے طیارے نے ملبہ بنا دیا،بھارت سے جب بھی بات ہوگی، نکات میں سندھ طاس معاہدہ شامل ہوگا۔

(جاری ہے)

نجی ٹی وی سے گفتگو کرتے ہوئے خواجہ آصف نے کہا کہ عالمی میڈیا اور ایوی ایشن انڈسٹری نے کنفرم کرلیا ہے کہ بھارتی طیارے گرے، پاک فضائیہ نے تو بتایا ہے کہ بھارتی رافیل کس طرح گرائے گئے، رافیل کا گرانا مہارت کی ایک مثال ہے، بھارت کے 300ملین ڈالر کے جہاز کو 30ملین ڈالر کے طیارے نے ملبہ بنادیا۔

وزیردفاع نے کہاکہ ہمارے خطے میں ملٹری اور سفارت کاری کی سطح پر مثبت تبدیلیاں نظر آرہی ہیں، قانون میں ایسی کوئی شق نہیں جس میں بھارت سندھ طاس معاہدہ معطل کرسکتا ہے، بھارت سے جب بھی بات ہوگی، تین چار نکات ہوں گے، ان نکات میں سندھ طاس معاہدہ بھی شامل ہے۔