بالائی /وسطی پنجاب، گلگت بلتستان،کشمیر اور خیبرپختونخوا میں مطلع جزوی ابرآلود رہنے کے علاوہ چند مقامات پر تیزہواؤں ا ورگرج چمک کے ساتھ بارش کا امکان ، محکمہ موسمیات

اتوار 11 مئی 2025 18:20

اسلام آباد (اُردو پوائنٹ اخبارتازہ ترین - اے پی پی۔ 11 مئی2025ء) آئندہ چوبیس گھنٹوں کے دوران بالائی /وسطی پنجاب، گلگت بلتستان،کشمیر اور خیبرپختونخوا میں مطلع جزوی ابرآلود رہنے کے علاوہ چند مقامات پر تیزہواؤں ا ورگرج چمک کے ساتھ بارش کا امکان ہے۔ محکمہ موسمیات کے مطابق اس دوران چند مقامات پر درمیانی سے تیز بارش / ژالہ باری جبکہ وسطی /جنوبی اضلاع میں آندھی /جھکڑ چلنے کی توقع ہے تاہم ملک کے بیشتر علاقوں میں موسم گرم اور خشک رہے گا۔

(جاری ہے)

گذشتہ 24 گھنٹوں کے دوران ملک کےبیشترعلاقوں میں موسم گرم اور خشک رہا تاہم گلگت بلتستا ن ، کشمیر ، بالا ئی پنجاب اور بالائی خیبر پختونخوا میں چند مقامات پر تیز ہواؤں اور گرج چمک کے ساتھ بارش ہوئی۔اس دوران سب سے زیادہ بارش جوہر آباد میں 8،سرگودھا 2، مری ایک ،بونجی، بگروٹ 5، استور 4، گلگت 3،دیر 4، کالام 2، کاکول ایک اور راولاکوٹ میں 3 ملی میٹر بارش ریکارڈ کی گئی۔اتوار کو ریکارڈ کئے گئے زیادہ سےزیادہ درجہ حرارت کی رپورٹ کے مطابق جیکب آباد،، موہنجوداڑہ، دادو میں درجہ حرارت 46،سبی اور رحیم یار خان میں 45ڈگری سینٹی گریڈ ریکارڈ کیا گیا۔

Facebook Twitter Google + Share on Whatsapp

متعلقہ عنوان :

مزید قومی خبریں