ڈریپ نے امراض چشم کی دوا کا ایک بیچ غیرمعیاری قرار دے دیا

اسلام آباد (اُردو پوائنٹ اخبارتازہ ترین - این این آئی۔ 27 ستمبر2023ء) ڈریپ نے امراض چشم کی دوا کا ایک بیچ غیر معیاری قرار دے دیااس ضمن یمں ڈریپ نے کومسیٹن آئی ڈراپس کا پراڈکٹ ری کال الرٹ جاری کر دیا جس کے مطابق کومیسیٹن آئی ڈراپس کا بیچ سی وائے ایف 003 غیر معیاری قرار پایا ہے۔ ڈریپ کے مطابق کومیسیٹن آئی ڈراپس نبی قاسم انڈسٹرز کراچی کی تیارکردہ ہے، کومیسیٹن کا سیمپل صوبائی ڈرگ انسپکٹر جامشورو نے ٹیسٹنگ لیب بھجوایا تھا۔

ڈریپ کے مطابق دوا کا بیچ فیڈرل ڈرگ اینالسٹ، سی ڈی ایل کراچی نے غیر معیاری قرار دیا، کومیسیٹن آئی ڈراپس پراڈکٹ الرٹ شہری، ڈاکٹرز، کیمسٹ کیلئے جاری کیا ہے۔ ڈریپ کے مطابق کومیسٹین ڈراپس آنکھوں کے بیکٹریل انفیکشن کے علاج کیلئے ہے، ڈاکٹرز مریض کو کومیسٹین آئی ڈراپس کا متاثرہ بیچ استعمال نہ کرائیں۔

(جاری ہے)

کہاگیاکہ غیر معیاری دوا کا استعمال مریض کی بینائی کیلئے خطرناک ہو سکتا ہے، غیر معیاری اینٹی بائیوٹک استعمال سے مرض پیچیدگی اختیار کر سکتا ہے۔

ڈریپ الرٹ کے مطابق فارما کمپنی کومیسٹین آئی ڈراپس کا متاثرہ بیچ سپلائی نہ کرے،کمپنی کومیسٹین آئی ڈراپس کا متاثرہ بیچ مارکیٹ سے واپس اٹھوائے، کیمسٹ کومیسٹین آئی ڈراپس کا متاثرہ بیچ فارما کمپنی کو واپس کریں۔ ڈریپ الرٹ کے مطابق ڈریپ کی صوبائی ٹیمیں میڈیسن مارکیٹ میں سرویلنس بڑھائیں۔