اوور 40 کرکٹ گلوبل کپ،ویسٹ انڈیز امریکا کو ہراکر فائنل میں پہنچ گیا

وور 40 کرکٹ گلوبل کپ کا فائنل پاکستان اور ویسٹ انڈیز کے درمیان پیر کو ہوگا

ہفتہ 30 ستمبر 2023 22:10

کراچی (اُردو پوائنٹ اخبارتازہ ترین - این این آئی۔ 30 ستمبر2023ء) اوور 40 کرکٹ گلوبل کپ 2023 کے دوسرے سیمی فائنل میں ویسٹ انڈیز کی ٹیم امریکا کو 3 وکٹوں سے شکست دے کر فائنل میں پہنچ گئی۔

(جاری ہے)

کراچی میں کھیلے جارہے ایونٹ کے دوسرے سیمی فائنل میں امریکی ٹیم پہلے بیٹنگ کرتے ہوئے 146 بنا کر آؤٹ ہوگئی۔ امریکا کے کپتان محمد فرخ 52 رنز بنا کر ٹاپ اسکورر رہے۔ ویسٹ انڈیز کے مہندرا ناگاموتو نے چھ وکٹیں لیں۔ ویسٹ انڈیز نے ہدف سات وکٹوں پر 34ویں اوور میں حاصل کرلیا۔ ڈیو کلیمنٹ 47 رنز کے ساتھ نمایاں رہے۔اوور 40 کرکٹ گلوبل کپ کا فائنل پاکستان اور ویسٹ انڈیز کے درمیان پیر کو ہوگا۔