آشوب چشم کی وبا موسم کی تبدیلی تک برقرار رہے گی،ماہر امراض چشم

آشوب چشم کا وائرس میز، دروازے کے ہینڈلز اور دیگر اشیاء سے چپکا رہتا ہے، پروفیسر معین انجیکشن سے بینائی متاثر ہونے کے معاملیکی مکمل چھان بین کی جارہی ہے،حقائق عوام کے سامنے لائینگے ، صوبائی وزیر

ہفتہ 30 ستمبر 2023 22:28

لاہور(اُردو پوائنٹ اخبارتازہ ترین - این این آئی۔ 30 ستمبر2023ء) ماہر امراض چشم پروفیسر معین نے کہا ہے کہ آشوب چشم کی وبا موسم کی تبدیلی تک برقرار رہے گی۔نجی ٹی وی سے گفتگو میں ماہر امراض چشم پروفیسر معین نے کہا کہ آشوب چشم کا وائرس میز، دروازے کے ہینڈلز اور دیگر اشیاء سے چپکا رہتا ہے۔پروفیسر معین نے بتایا کہ متاثرہ شخص میڈیکل اسٹور سے مصنوعی ڈراپس لے کر استعمال کرے اور مصنوعی ڈراپس نہ ملنے کی صورت میں برف سے ٹکور کی جائے۔

(جاری ہے)

انہوں نے بتایا کہ آشوب چشم کا وائرس 7 سے 10 دن تک اپنا اثر دکھاتا ہے ،یہ وبا موسم کی تبدیلی تک برقرار رہے گی۔دوسری جانب میڈیا سے گفتگو میں نگران وزیر صحت پنجاب ڈاکٹر جاوید اکرم نے کہا کہ انجیکشن سے بینائی متاثر ہونے کے معاملیکی مکمل چھان بین کی جارہی ہے، تحقیقات مکمل ہونے پر حقائق عوام کے سامنے یلائے جائیں گے اور تحقیقات میں انصاف کے تمام تقاضے پورے کیے جائیں گے۔ڈاکٹر جاوید اکرم نے کہا کہ پنجاب بھر میں آشوب چشم کے غیر معیاری انجیکشن استعمال ہو رہے تھے، انجیکشن کی مینوفیکچرنگ اورکلینیکل مسئلے کو تحقیقاتی ٹیم دیکھ رہی ہے ،اسی حوالے سے ہسپتالوں کے عملے سے بھی تفتیش کی جارہی ہے۔