نوابزادہ حاجی میر لشکری خان رئیسانی سے نواب ثناء اللہ خان زہری کی ملاقات

سیاسی صورتحال ، آئندہ عام انتخابات سمیت باہمی دلچسپی کے امور پر تبادلہ خیال

جمعرات 23 نومبر 2023 21:05

کوئٹہ(اُردو پوائنٹ اخبارتازہ ترین - این این آئی۔ 23 نومبر2023ء) سینئر سیاست دان سابق سینیٹر نوابزادہ حاجی میر لشکری خان رئیسانی سے سابق وزیراعلیٰ بلوچستان نواب ثناء اللہ خان زہری نے ملاقات کی ، دونوں رہنمائوں کے درمیان ملک اور صوبے کی سیاسی صورتحال ، آئندہ عام انتخابات سمیت باہمی دلچسپی کے امور پر تبادلہ خیال کیا گیا ۔

(جاری ہے)

سینئر سیاست دان سابق سینیٹر نوابزادہ حاجی میر لشکری خان رئیسانی سے جمعرات کو پیپلز پارٹی کے مرکزی رہنما ء سابق وزیراعلیٰ بلوچستان چیف آف جھالاوان نواب ثناء اللہ خان زہری نے پارٹی کے صوبائی عہدیداروں کے ہمراہ سراوان ہائوس کوئٹہ میں ملاقات کی ، اس موقع پر نواب ثناء اللہ زہری نے نوابزادہ حاجی میر لشکری خان رئیسانی اور نوابزادہ میر رئیس رئیسانی سے نوابزادہ میر ہارون رئیسانی کی شہادت پر تعزیت کا اظہار کرتے ہوئے شہید کے روح کے ایصال ثواب کیلئے فاتحہ خوانی کی ، ملاقات میں دونوں سیاسی رہنمائوں کے درمیان ملک اور صوبے کی مجموعی سیاسی صورتحال ، آئندہ انتخابات سمیت باہمی دلچسپی کے امور پر تبادلہ تبادلہ خیا ل کیا گیا۔