آئندہ عدالتی ہفتے کیلئے خصوصی بینچ اور ایک لارجر بینچ کے علاوہ 5 ریگولر بینچز تشکیل

چیف جسٹس قاضی فائز عیسیٰ کی سربراہی میں 3 رکنی بینچ اہم کیسز کی سماعت کرے گا

اتوار 26 نومبر 2023 18:20

اسلام آباد (اُردو پوائنٹ اخبارتازہ ترین - این این آئی۔ 26 نومبر2023ء) آئندہ عدالتی ہفتے کیلئے خصوصی بینچ اور ایک لارجر بینچ کے علاوہ 5 ریگولر بینچز تشکیل دئیے گئے ہیں۔تفصیلات کے مطابق چیف جسٹس قاضی فائز عیسیٰ کی سربراہی میں 3 رکنی بینچ اہم کیسز کی سماعت کرے گا۔بینچ نمبر ایک میں چیف جسٹس ، جسٹس امین الدین اور جسٹس اطہر من اللہ شامل ہیں۔4 رکنی لارجر بینچ 28کو پرویز مشرف کی سزا کیخلاف اپیل پر سماعت کرے گا۔

4رکنی لارجر بینچ کی سربراہی چیف جسٹس قاضی فائز عیسیٰ کریں گے۔4رکنی بینچ مشرف غداری کیس میں خصوصی عدالت ختم کرنے کیخلاف اپیل پر بھی سماعت کرے گا۔بینچ 2 میں جسٹس سردار طارق مسعود ، جسٹس یحییٰ آفریدی اور جسٹس عائشہ ملک شامل ہیں۔3رکنی بینچ یکم دسمبر کو غیرملکیوں کے انخلا سے متعلق مقدمے کی سماعت کرے گا۔

(جاری ہے)

3رکنی بینچ کی سربراہی جسٹس سردار طارق مسعود کریں گے۔

جسٹس سردار طارق کی سربراہی میں2 رکنی خصوصی بینچ28 نومبر کو نیب اپیلوں پر سماعت کرے گا۔بینچ 3 میں جسٹس اعجازلا حسن ، جسٹس حسن اظہر رضوی اور جسٹس عرفان سعادت شامل ہیں۔بینچ4 میں جسٹس منصور ، جسٹس مظاہر نقوی، جسٹس جمال مندوخیل اور جسٹس محمد علی مظہر شامل ہیں۔بینچ 5 میں جسٹس منیب اختر، جسٹس شاہدوحید اور جسٹس مسرت ہلالی شامل ہیں۔