بجلی گرنے کے واقعات، پاکستان کو موسمیاتی ڈیٹیکٹرز مل گئے

جمعرات 30 نومبر 2023 15:47

کراچی(اُردو پوائنٹ اخبارتازہ ترین - این این آئی۔ 30 نومبر2023ء) بجلی گرنے کے واقعات کی بروقت پیش گوئی کرنے والے موسمیاتی ڈیٹیکٹرز پاکستان کو مل گئے۔

(جاری ہے)

ڈی جی محکمہ موسمیات مہر صاحب زاد خان کے مطابق چین نے 10 لاکھ ڈالرز مالیت کے 25 موسمیاتی ڈیٹیکٹرز بلا معاوضہ دیئے ہیں، چینی آلات بجلی گرنے کے واقعات کی بروقت پیش گوئی کر سکیں گے۔مہر صاحب زاد خان نے بتایاکہ موسمیاتی ڈیٹیکٹرز پورے ملک میں نصب کر رہے ہیں، چین سے 14 ہزار کلومیٹر رینج والا ریڈار بھی لے رہے ہیں۔انہوں نے بتایا کہ نئے آلات موسمیاتی تبدیلیوں کے سبب قدرتی آفات کی بروقت نشاندہی کریں گے۔انہوں نے کہاکہ تھر پارکر میں بجلی گرنے کے واقعات میں متعدد افراد اور سینکڑوں مویشی ہلاک ہوئے ہیں۔