پنجاب کے مختلف شہروں میں سی ٹی ڈی کا آپریشن ،ٹی ٹی پی ، الاحرار کمانڈر سمیت 14دہشت گرد گرفتار

دہشت گرد اہم تنصیبات پر حملے کی منصوبہ بندی کر رہے تھے، بارودی مواد ، ہینڈ گرنیڈ ، ڈیٹو نیٹر سمیت دیگر سامان برآمد

ہفتہ 2 دسمبر 2023 13:46

پنجاب کے مختلف شہروں میں سی ٹی ڈی کا آپریشن ،ٹی ٹی پی ، الاحرار کمانڈر ..

لاہور (اُردو پوائنٹ اخبارتازہ ترین - این این آئی۔ 02 دسمبر2023ء) لاہور سمیت پنجاب کے مختلف شہروں میں سی ٹی ڈی نے کارروائی کرتے ہوئے 14 دہشت گرد گرفتارکرلیے ۔

(جاری ہے)

ترجمان سی ٹی ڈی کے مطابق کارروائیاں لاہور،خوشاب، فیصل آباد، گوجرانوالہ بہاولپور ،گجرات اور ساہیول میں کی گئیں ، لاہور سے ٹی ٹی پی اور جماعت الاحرار کا اہم کمانڈر گرفتار کرلیا گیا ۔ترجمان سی ٹی ڈی کے مطابق لاہور سے کالعدم تنظیم کے گرفتار کمانڈر کے قبضے سے بارودی مواد، 3ہینڈ گرنیڈ، ڈیٹونیٹر، 15حفاظتی فیوز، پرائما کارڈ، موبائل فون اور نقدی برآمد کرلی گئی۔ترجمان کے مطابق دہشت گرد اہم تنصیبات پر حملے کی منصوبہ بندی کر رہے تھے۔