لاہور ہائیکورٹ ، منشا بم کی دہشتگردی کے مقدمے میں درخواست ضمانت سماعت کے لیے مقرر

ہفتہ 2 دسمبر 2023 18:22

لاہور (اُردو پوائنٹ اخبارتازہ ترین - اے پی پی۔ 02 دسمبر2023ء) لاہور ہائیکورٹ نے منشا بم کی دہشتگردی کے مقدمے میں درخواست ضمانت سماعت کے لیے مقرر کردی۔جسٹس شہرام سرور چوہدری اور جسٹس علی ضیا باجوہ پر مشتمل دو رکنی بینچ منگل کو سماعت کرے گا۔

(جاری ہے)

منشا بم نے بعد از گرفتاری ضمانت کے لئے ہائیکورٹ سے رجوع کر رکھا ہے۔ انسداددہشتگری کی خصوصی عدالت نے منشا بم کی درخواست ضمانت خارج کی تھی۔ رجسٹرار آفس نے اس حوالے سے کازلسٹ جاری کردی ہے جس کے مطابق جسٹس شہرام سرور چوہدری اور جسٹس علی ضیا باجوہ پر مشتمل دو رکنی بینچ 5 دسمبر کو سماعت کرے گا ۔منشا بم پر شہریوں کی زمینوں پر قبضہ کرنے اور خوف ہراس پھیلانے کا مقدمہ درج ہے۔