سعودی شہزادہ ممدوح بن عبدالعزیز آل سعود انتقال کرگئے

ہفتہ 2 دسمبر 2023 20:58

ریاض(اُردو پوائنٹ اخبارتازہ ترین - آن لائن۔ 02 دسمبر2023ء) سعودی شہزادہ ممدوح بن عبدالعزیز آل سعود انتقال کر گئے۔سعودی خبررساں ادارے کے مطابق شہزادہ ممدوح بن عبدالعزیز جدہ کے علاقے کورنیش میں رہائش پذیر تھے۔ ان کا انتقال 84 برس کی عمر میں ہوا۔

(جاری ہے)

ایوان شاہی کی جانب سے جاری بیان میں شہزادہ ممدوح بن عبدالعزیز کی مغفرت اور بلندی درجات کے لیے دعا کی گئی۔

سعودی میڈیا کے مطابق شہزادہ ممدوح بن عبدالعزیز آل سعود نے متعدد مناصب پرخدمات انجام دیں۔ 1985 میں وہ شاہ فہد بن عبدالعزیز کے دور اقتدار میں تبوک کے گورنر رہے۔ بعدازاں انہیں اسٹراٹیجک اسٹڈیز سینٹر کا چیئرمین مقرر کیا گیا تھا تاہم بعد میں انہوں نے عہدے سے ریٹائرمنٹ لے لی تھی، وہ بانی مملکت شاہ عبدالعزیز کے 29 ویں فرزند تھے۔