دریچے فلمز نے پاکستانی ناظرین کے لیے اپنی نئی فلم چکڑ کا ٹریلر جاری کردیا

ہفتہ 2 دسمبر 2023 22:11

لاہورر(اُردو پوائنٹ اخبارتازہ ترین - آن لائن۔ 02 دسمبر2023ء) دریچے فلمز نے پاکستانی ناظرین کے لیے اپنی نئی فلمچکڑ کا ٹریلر جاری کردیا۔رپورٹ کیمطابق کرائم تھرلرپرمبنی فلم22 دسمبر 2023 کو ملک بھر کے سینما گھروں میں نمائش کے لیے پیش کی جائے گی۔اس فلم کوظہرالدین نے ڈائریکٹ کیاہیجوکہ ان کاڈیبیو ہے۔ٹریلر لانچ کے موقع پر رائٹر اور ڈائریکٹر ظہیرالدین کاکہناتھاکہچکڑ ہمارے معاشرے کی ان تلخ حقیقتوں کو بیان کرتی ہے جس کے بارے میں جانتے سب ہیں مگر اکثر نظر انداز کردیتے ہیں۔

ان کامزیدکہناتھاکہ اس فلم کا سینیمیٹک سفر اور اس کی کہانی ہمارے ملک کی پیچیدگیوں کا مشاہدہ کرتے ہوئے سسپنس، ڈرامے اور حقیقت پسندی کو ایک انوکھے امتزاج میں پیش کرے گی ۔فلم کا تھیٹریکل ٹریلر سنجیدگی، تخلیقی صلاحیت، دل چسپ حالات، حساس موضوعات اور حقیقت پسندانہ مناظر کی شمولیت سے ایک الگ انداز کی فلم کا عہد کرتا نظر آتا ہے۔

(جاری ہے)

پنجاب کے ایک چھوٹے سے قصبے پر مبنی دریچے فلمز کی یہ پروڈکشن ایک جاندار کرائم سسپنس تجربے کی ضمانت دیتی ہے۔چکڑ8 دنوں پر محیط ایک سماجی ڈائری ہے، جس میں عثمان مختار، اشنا شاہ، فریال محمود، نوشین شاہ، سلیم معراج، علی شیخ، عدنان شاہ ٹیپو سمیت ٹی وی اور تھیٹر کے دیگر تجربہ کار اداکاروں کی شاندار پرفارمنس پیش کی گئی ہے۔