عالمی منڈی میں خام تیل کی قیمتوں میں کمی کا رجحان

پیر 4 دسمبر 2023 11:40

نیویارک (اُردو پوائنٹ اخبارتازہ ترین - اے پی پی۔ 04 دسمبر2023ء) اوپیک پلس کے فیصلے کے مسلسل دباؤ اور عالمی ایندھن کی طلب میں اضافے پر غیر یقینی صورتحال کے درمیان پیر کو خام تیل کی فیوچر ٹریڈنگ میں تھوڑی دیر کے لیے اضافہ ہوا تاہم اسرائیل فلسطین صورتحال کے باعث سے سپلائی میں رکاوٹ کے خطرات کے باوجود خام تیل کی قیمتیں گر گئی ۔

(جاری ہے)

عالمی منڈی میں برینٹ کروڈ فیوچر 0.6 فیصد، یا 49 سینٹ کم ہو کر 78.39 ڈالر فی بیرل جبکہ یو ایس ویسٹ ٹیکساس انٹرمیڈیٹ کروڈ (ڈبلیو ٹی آئی) فیوچر 0.6 فیصد، یا 42 سینٹ کی کمی سے 73.65 ڈالر فی بیرل پر آگیا ۔

آئل مارکیٹ کے تجزیہ کار ادارے وانڈا انسائیٹس کے مطابق پٹرولیم برآمد کرنے والے ممالک کی تنظیم اور روس سمیت اتحادیوں کی طرف سے سپلائی میں کٹوتیوں بارے میں سرمایہ کاروں کے شکوک و شبہات پر تیل کی قیمتوں میں گزشتہ ہفتے 2فیصدسے زیادہ کمی واقع ہوئی۔اوپیک پلس نے عالمی پیداواری سرگرمیوں کی سست روی کے بارے میں تشویش کا بھی اظہار کیا ہے ۔

Facebook Twitter Google + Share on Whatsapp

عالمی منڈی میں خام تیل کی قیمتوں میں کمی کا رجحان

متعلقہ عنوان :

مزید تجارتی خبریں