سیمنٹ کی ریٹیل قیمت میں ہفتہ وار بنیادوں پر اضافہ

سیمنٹ کی فی بوری کی ریٹل قیمت 1271 روپے ریکارڈ

منگل 5 دسمبر 2023 12:13

سیمنٹ کی ریٹیل قیمت میں ہفتہ وار بنیادوں پر اضافہ

لاہور(اُردو پوائنٹ اخبارتازہ ترین - این این آئی۔ 05 دسمبر2023ء) ملک میں سیمنٹ کی ریٹیل قیمت میں گزشتہ ہفتے کے دوران ہفتہ وار بنیاد پرمعمولی اضافہ ریکارڈ کیا گیا۔اعدادوشمار کے مطابق 30 نومبر کو ختم ہونے والے ہفتے میں ملک کے شمالی علاقوں میں سیمنٹ کی فی بوری کی اوسط ریٹل قیمت 1271 روپے ریکارڈ کی گئی جو پیوستہ ہفتے کے مقابلے میں 1.55 فیصد زیادہ ہے۔

پیوستہ ہفتے میں ملک کے شمالی ریجن میں سیمنٹ کی فی بوری کی اوسط ریٹل قیمت 1220 روپے ریکارڈ کی گئی تھی۔

(جاری ہے)

دوسری جانب جنوبی علاقوں میں سیمنٹ کی فی بوری کی اوسط ریٹل قیمت 1187 روپے ریکارڈ کی گئی جبکہ پیوستہ ہفتے میں بھی جنوبی علاقوں میں سیمنٹ کی فی بوری کی اوسط ریٹل قیمت 1187 روپے ریکارڈ کی گئی تھی۔اسلام آباد میں سیمنٹ کی فی بوری کی اوسط ریٹل قیمت 1250 ، راولپنڈی 1223، گجرانوالہ 1280، سیالکوٹ 1260، لاہور 1370، فیصل آباد 1270، سرگودھا 1280، ملتان 1291، بہاولپور 1304، پشاور 1231 اور بنوں میں سیمنٹ کی فی بوری کی اوسط ریٹل قیمت 1220 روپے ریکارڈ کی گئی۔

کراچی میں گزشتہ ہفتے کے دوران سیمنٹ کی فی بوری کی اوسط ریٹل قیمت 1157 ، حیدر آباد 1180، سکھر 1250، لاڑکانہ 1173، کوئٹہ 1190 اور خضدار میں 1170 روپے ریکارڈ کی گئی۔