پی ٹی آئی نے مہنگائی کی تو احسن اقبال ثبوت دیں، دانیال عزیز کا مزید انکشافات کا عندیہ

جو نوازشریف کے وفادار ہیں ان سب کو شوکاز دئیے گئے،ن لیگ میں ایک خاص گروپ ہے جو مصروف رہتا ہے اور کرتا کچھ نہیں۔لیگی رہنما کی گفتگو

مقدس فاروق اعوان منگل 5 دسمبر 2023 12:19

پی ٹی آئی نے مہنگائی کی تو احسن اقبال ثبوت دیں، دانیال عزیز کا مزید ..

لاہور (اُردو پوائنٹ اخبارتازہ ترین ۔ 05 دسمبر2023ء) لیگی رہنما دانیال عزیز کا کہنا ہے کہ ن لیگ میں ایک خاص گروپ ہے جو مصروف رہتا ہے اور کرتا کچھ نہیں۔انہوں نے نجی ٹی وی چینل اے آر وائے نیوز کے پروگرام میں گفتگو کرتے ہوئے کہا کہ کہ احسن اقبال مہنگائی کے ذمہ دار ہیں ن لیگ کو انہیں آئندہ وزیر نہیں بنانا چاہیے۔ دانیال عزیز نے مزید کہا کہ نیشنل پرائس کنٹرول کمیٹی کے چیئرمین احسن اقبال تھے ان کے اقدامات کی وجہ سے ہی مہنگائی ہوئی، وہی بطور چیئرمین ڈائریکشن دیتے تھے۔

انہوں نے کہا کہ آئندہ بتاؤں گا کہ مہنگائی کیسے ہوئی اور اس کا ذمہ دار کون ہے۔ایکسچینج کنٹرول میں نہیں آ رہا تھا تو احسن اقبال نے کیا ڈائریکشن دی تھی۔احسن اقبال ڈائریکشن نہیں دے رہے تھے تو کیا کمیٹی میں لُڈو کھیل رہے تھے۔

(جاری ہے)

ان کو سوچ سمجھ کر چئیرمین نیشنل پرائس کنٹرول کمیٹی بنایا گیا۔وہ عہدے پر براجمان ہوئے تو مہنگائی ہوئی۔مجھے اس کا بھی معلوم ہے کہ مہنگائی کیسے ہوئی۔

نیشنل پرائس کنٹرول کمیٹی میں ان کی بس آنیاں جانیاں تھیں۔عوام بےوقوف نہیں ہے، عوام پوچھتے ہیں مہنگائی کیسے ہوئی۔مہنگائی کس وجہ سے ہوئی آگے جاکر بتاؤں گا۔اگر پی ٹی آئی نے مہنگائی کی تو احسن اقبال ثبوت پیش کریں۔مہنگائی ہوتی نہیں کی جاتی ہے اور اس کا کوئی نہ کوئی بینفشری ہوتا ہے۔دانیال عزیز نے مزید کہا کہ ابھی تک شوکاز موصول نہیں ہوا۔

جو نوازشریف کے وفادار ہیں ان سب کو شوکاز دئیے گئے۔ن لیگ میں ایک خاص گروپ ہے جو مصروف رہتا ہے اور کرتا کچھ نہیں۔ایک سوال کے جواب میں انہوں نے کہا کہ گوجرانوالہ میں ٹکٹوں کا فیصلہ 13 تاریخ کو ہوگا تو پھر کیا مہنگائی کم ہوجائے گی، نیشنل پرائس کنٹرول کمیٹی کے چیئرمین احسن اقبال تھے ان کے اقدامات کی وجہ سے ہی مہنگائی ہوئی وہی بطور چیئرمین ڈائریکشن دیتے تھے۔