یوٹیلیٹی سٹورزپراشیائے ضروریہ کی قلت سے غریب طبقے کی پریشانی میں مزید اضافہ

اوپن مارکیٹ اوریوٹیلیٹی سٹوروں پراشیائے خوردونوش کی قیمتوں میں بھی فرق ختم ہوگیا

منگل 5 دسمبر 2023 14:19

یوٹیلیٹی سٹورزپراشیائے ضروریہ کی قلت سے غریب طبقے کی پریشانی میں مزید ..

لاہور(اُردو پوائنٹ اخبارتازہ ترین - این این آئی۔ 05 دسمبر2023ء) یوٹیلیٹی سٹوروں پر اشیائے ضروریہ کی قلت سے شہر کے غریب طبقے کی پریشانی میں مزید اضافہ ہو گیا۔شہر کے مضافاتی علاقوں کی آبادیوں کے نزدیک بنائے گے یوٹیلیٹی سٹوروں پر سپلائی چین برقرار نہ رہنے سے خریداری پریشان ہیں۔

(جاری ہے)

اوپن مارکیٹ اور یوٹیلیٹی سٹوروں پر اشیائے خوردونوش کی قیمتوں میں بھی فرق ختم ہوگیا،یوٹیلیٹی سٹوروں پر چینی 155 اور اوپن مارکیٹ میں 135 سے 140 روپے فی کلوگرام بک رہی ہے۔

اوپن مارکیٹ میں اچھے معیار کے چاول 350 اور یوٹیلیٹی سٹوروں پر 420 روپے فی کلوگرام فروخت کئے جارہے رہے ہیں،اوپن مارکیٹ اور یوٹیلیٹی سٹوروں پر آٹے کی قیمتوں میں بھی فرق ختم ہوگیا۔10 کلوگرام کا تھیلا 1420 اور اوپن مارکیٹ میں 20 کلو 2800 روپے کا ہے۔