معروف نعت خواں جنید جمشید کی ساتویں برسی(پرسوں) 7دسمبر کو منائی جائے گی

منگل 5 دسمبر 2023 23:35

جہانیاں(اُردو پوائنٹ اخبارتازہ ترین - آن لائن۔ 05 دسمبر2023ء) معروف نعت خواں جنید جمشید کی ساتویں برسی(پرسوں) 7دسمبر کو منائی جائے گی اس سلسلے میں مختلف شہروں میں تقریبات منعقد کی جائیں گی۔ جنید جمشید 3 ستمبر 1964 کوکراچی میں پیدا ہوئے۔ انہوں نے وائٹل سائز کے نام سے پاپ موسیقی کا بینڈ تشکیل دیا جس میں بطور گلو کار 1987 میں کیریئر کا آغاز کیا۔

1987 میں ریلیز ہونے والے گیتدل دل پاکستاننے خاص طور پر جنید جمشید کو شہرت کی بلندیوں پر پہنچا دیا تھا، ان کے بینڈ کو پاکستانی پنک فلوائڈ کے نام سے بھی یاد کیا جاتا تھا۔

(جاری ہے)

اس بینڈکی جانب سے ملی نغمہ دل دل پاکستان جاں جاں پاکستان متعارف کرایا جو عوام میں بے حد مقبول ہوا۔ 2004 میں معروف سکالر مو لانا طارق جمیل سے ملاقات نے جنید جمشید کی زندگی بدل دی اور گلوکاری میں بے پناہ شہرت کے باوجود ان کا رجحان دینی تعلیمات، درس و تدریس اور حمد و ثنا کی طرف ہو گیا۔

گلوکار ی کو خیرباد کہہ کر 2005 میں اپنی خوبصورت آواز میں انہو ں نے پہلا نعتیہ البم جلوہ جاناں ریلز کیا۔ بعد ازاں یہ سلسلہ چلتا رہا۔ انہیں 2007 میں تمغہ امتیاز سے بھی نوازا گیا۔ وہ 7 دسمبر 2016 کو چترال سے اسلام آباد جاتے ہوئے حویلیاں کے قریب طیارہ حادثہ میں جاں بحق ہو گئے تھے۔