نوشہ خانہ کیس ،وکیل کی عدم دستیابی کے باعث بغیرکاروائی سماعت 11 دسمبر تک ملتوی

جمعرات 7 دسمبر 2023 17:23

اسلام آباد (اُردو پوائنٹ اخبارتازہ ترین - این این آئی۔ 07 دسمبر2023ء) احتساب عدالت میں توشہ خانہ کیس میں سابق چیئرمین پی ٹی آئی کی ضمانت پر جلد سماعت کے معاملے پر وکیل کی عدم دستیابی کے باعث بغیرکاروائی سماعت 11 دسمبر تک ملتوی کر دی گئی ۔ جمعرات کو احتساب عدالت کے جج محمد بشیر نے اڈیالہ جیل میں سماعت کی۔۔

(جاری ہے)

ڈپٹی پراسیکیوٹر جنرل نیب سردار مظفر عباسی، پراسیکیوٹر عمر خان،ڈپٹی ڈائریکٹر وقارالحسن اور محسن ہارون عدالت پیش ہوئے تاہم سابق چیئرمین پی ٹی آئی کے وکیل لطیف کھوسہ پیش نہ ہوسکے۔

نیب کی جانب سے سابق چیئرمین پی ٹی آئی کی درخواست ضمانت خارج کرنے کی استدعا کی گئی ے۔ سابق چیئر مین پی ٹی آئی نے کہاکہ میرے وکیل لطیف کھوسہ ہی دلائل دیں گے۔عدالت نے سماعت11 دسمبر تک کیلئے ملتوی کردی،عبوری ضمانت کے خلاف درخواست نیب نے عدالت میں دائر کی تھی،عدالت نے منظور کرکے اڈیالہ جیل میں سماعت کی ہے۔