فیصل آباد، عام انتخابات میں پولنگ اسٹیشنز کے لیے مختص عمارات خستہ حالی کا شکار،

بدھ 3 جنوری 2024 13:20

مکوآنہ (اُردو پوائنٹ اخبارتازہ ترین - این این آئی۔ 03 جنوری2024ء) فیصل آباد میں حالیہ عام انتخابات میں پولنگ اسٹیشنز کے لیے مختص کی گئی عمارات خستہ حالی کا شکار،ریٹرنگ آفیسرز این اے 95 اور اسٹنٹ ریٹرننگ آفیسر کے پولنگ اسٹیشنز کے دورے ذرائع کے مطابق الیکشن کمیشن کی جانب سے چک جھمرہ کے حلقہ پی پی 98 اور این اے 95 میں 300 زائد پولنگ اسٹیشنز میں 1100 کے لگ بھگ پولنگ بوتھ بنائے جائیں گئے ذرائع نے مزید بتایا کہ پولنگ اسٹیشنز کے لیے مختص کی جانے والی عمارات میں اکثریت سرکاری سکولوں کی ہیں جن میں سے متعدد خستہ حالی کا شکار ہیں یہاں تک کہ بہت سی عمارتوں کی چار دیواری بھی نہ ہونے کے برابر ہے اسی طرح پولنگ بوتھ کے طور پر جن کمروں کو چنا گیا ہے ان کی کھڑکیاں بھی ٹوٹ پھوٹ کا شکار ہیں جس سے دوران پولنگ دھاندلی ہونے کا خدشہ ظاہر ہوتا ہے اب دیکھنا یہ ہے کہ انتخابات سے پہلے الیکشن کمیشن کی جانب سے ایسے پولنگ اسٹیشنز کی بہتری کے لیے کیا حکمت عملی اپنائی جاتی ہے