پٹیالہ گھرانے کے استاد بڑے فتح علی خان کو دنیا سے رخصت ہوئے 7 برس بیت گئے

رس کی عمر میں ہی بڑے فتح علی خان نے شہرت حاصل کر لی تھی، بھارت کے انگریز حاکم لارڈ ایلگِن نے انہیں فن موسیقی کے کرنیل کا خطاب دیا

جمعرات 4 جنوری 2024 11:55

پٹیالہ گھرانے کے استاد بڑے فتح علی خان کو دنیا سے رخصت ہوئے 7 برس بیت ..

لاہور (اُردو پوائنٹ اخبارتازہ ترین - این این آئی۔ 04 جنوری2024ء) پٹیالہ گھرانے کے استاد نے جو بھی گایا وہ امر ہو گیا، کلاسیکی موسیقی کے انمول رتن استاد بڑے فتح علی خان کی آج 7 ویں برسی ہے۔استاد بڑے فتح علی خان کو کلاسیکی فنِ گائیگی کا سمراٹ مانا جاتا ہے، لمبی تان لگانا ان کا طرہ امتیاز تھا، 17 برس کی عمر میں ہی بڑے فتح علی خان نے شہرت حاصل کر لی تھی، بھارت کے انگریز حاکم لارڈ ایلگِن نے انہیں فن موسیقی کے کرنیل کا خطاب دیا۔

(جاری ہے)

تقسیم ہند کے بعد بڑے فتح علی اپنے بھائی امانت علی کے ساتھ پاکستان آگئے اور یہاں دونوں بھائیوں کو کلاسیکی موسیقی کی باکمال جوڑی قرار دیا گیا، بڑے فتح علی خان نے پی ٹی وی پر بھی پرفارم کیا تاہم زیادہ وہ ریڈیو پاکستان سے وابستہ رہے۔استاد بڑے فتح علی خان نے ستّر سے زائد فلموں میں آواز کا جادو جگایا، حکومت سے تمغہ حسن کارکردگی سمیت بیرون ملک بھی انہیں کئی اعزازات سے نوازا گیا، استاد بڑے فتح علی خان 4 جنوری 2017ئ کو 82 برس کی عمر میں خالقِ حقیقی سے جاملے اورلاہور میں آسودہِ خاک ہیں۔