فیصل آباد کے قومی اسمبلی کے 10حلقوں کیلئے پولنگ سکیم جاری کر دی گئی

فیصل آباد (اُردو پوائنٹ اخبارتازہ ترین - اے پی پی۔ 30 جنوری2024ء) فیصل آباد کے قومی اسمبلی کے 10حلقوں میں 8 فروری کو منعقد ہونے والے عام انتخابات کیلئے پولنگ سکیم جاری کر دی گئی ہے۔الیکشن کمیشن فیصل آباد کے ترجمان نے بتایاکہ فیصل آباد کے حلقہ این اے 95 میں کل 277868مردوں اور 236773خواتین سمیت 514641ووٹرز کیلئے کل 323پولنگ سٹیشن قائم کئے گئے ہیں جن میں 106مردانہ،102زنانہ اور 115مشترکہ پولنگ سٹیشن شامل ہیں۔

انہوں نے بتایاکہ حلقہ این اے 96فیصل آباد میں 302459مردوں،260422خواتین سمیت کل 562891ووٹرز کیلئے 345پولنگ سٹیشن قائم کئے گئے ہیں جن میں 126مردانہ، 123زنانہ اور 96مشترکہ پولنگ سٹیشن شامل ہیں۔انہوں نے بتایاکہ حلقہ این اے 97فیصل آباد تھری میں 272265خواتین اور 215438مردوں سمیت کل 491703ووٹرز کیلئے 341پولنگ سٹیشن قائم کئے گئے ہیں جن میں 101مردانہ، 101زنانہ اور 139 مشترکہ پولنگ سٹیشن شامل ہیں۔

(جاری ہے)

انہوں نے بتایاکہ حلقہ این اے 98فیصل آباد چار میں 312431مردوں،267026خواتین سمیت کل 579457ووٹرز کیلئے 156مردانہ،152زنانہ اور 70مشترکہ سمیت 378پولنگ سٹیشنز کا قیام عمل میں لایا گیا ہے۔انہوں نے بتایاکہ حلقہ این اے 99فیصل آباد پانچ میں 265019مردوں اور 226418خواتین سمیت کل 491437 ووٹرز حق رائے دہی استعمال کریں گے جن کیلئے 172مردانہ،164زنانہ اور 56مشترکہ سمیت 392پولنگ سٹیشنز کا قیام عمل میں لایا گیا ہے۔

انہوں نے بتایاکہ قومی اسمبلی کے حلقہ این اے 100 فیصل آباد چھ میں 274365مردوں اور 233515خواتین سمیت کل 507880امیدواروں کو ووٹ ڈالنے کا حق حاصل ہو گا جن کیلئے کل 377پولنگ سٹیشن قائم کئے گئے ہیں جن میں 176مردانہ،163زنانہ اور 38کمبائنڈ پولنگ سٹیشن ہوں گے۔انہوں نے بتایاکہ حلقہ این اے 101فیصل آباد سات میں کل 535081ووٹرز رجسٹرڈ ہیں جن میں 280093مرد اور 254988خواتین شامل ہیں جن کیلئے 201مردانہ،182زنانہ اور 10کمبائنڈ سمیت 393پولنگ سٹیشن قائم کئے گئے ہیں۔

انہوں نے بتایاکہ حلقہ این اے 102فیصل آباد 8 میں 288702مردوں اور 252951خواتین سمیت کل 541653ووٹرز حق رائے دہی استعمال کریں گے جن کیلئے 184مردانہ،176زنانہ اور 17کمبائنڈ سمیت 377پولنگ سٹیشنز کا قیام عمل میں لایا گیا ہے۔انہوں نے بتایاکہ قومی اسمبلی کے حلقہ این اے 103فیصل آباد 9کے 289239مردوں اور 255399خواتین سمیت کل 544638ووٹرز کیلئے 386پولنگ سٹیشن قائم کئے گئے ہیں جن میں 191مردوں اور 189 خواتین کیلئے مخصوص ہیں جبکہ 6مشترکہ پولنگ سٹیشنز کا قیام بھی عمل میں لایا گیا ہے۔انہوں نے بتایاکہ حلقہ این اے04 1 فیصل آباد 10 میں 278634مرد اور 249884خواتین سمیت کل 528518ووٹرز کیلئے 197مردانہ،170زنانہ اور 8کمبائنڈ سمیت 375پولنگ سٹیشنز کا قیام عمل میں لایا گیا ہے۔