رنبیر کپور نئی فلم ’’لو اینڈ وار‘‘ میں ایک نفسیاتی مریض کا کردار کریں گے

فلم کی شوٹنگ کا آغاز رواں برس نومبر کو ہوگا جبکہ اسے 2025 میں کرسمس کے موقع پر ریلیز کیا جائے گا

بدھ 7 فروری 2024 11:10

ممبئی(اُردو پوائنٹ اخبارتازہ ترین - این این آئی۔ 07 فروری2024ء) بالی وڈ سپر اسٹار رنبیر کپور ڈائریکٹر سنجے لیلا بھنسالی کی فلم ’لو اینڈ وار‘ میں ایک نفسیاتی مریض کا کردار کریں گے۔سنجے لیلا بھنسالی نے پچھلے ہفتے ہی اپنی نئی فلم کا رنبیر کپور کے ساتھ اعلان کیا تھا اور اب اس کے حوالے سے نئی معلومات سامنے آرہی ہیں۔بھارتی میڈیا ذرائع کے مطابق فلم کی کہانی ایک ’لو ٹراینگل‘ ہوگی جس میں رنبیر کپور، عالیہ بھٹ اور وکی کوشل مرکزی کردار میں نظر آئیں گے۔

(جاری ہے)

سنجے بھنسالی کی نئی فلم 1964 کی کلاسک بلاک بسٹر ’سنگم‘ سے متاثر ہے جس میں راج کپور نے اداکاری کے جوہر دکھائے تھے۔رنبیر کپور نے لیلا بھنسالی کو پابند کیا ہے کہ وہ شوٹنگ کے دورانیے میں ہی کام ختم کریں گے تاکہ ان کے دیگر پروجیکٹ متاثر نہ ہوں۔اداکار نے معاہدے میں یہ شرط بھی رکھی ہے کہ وہ صرف مقررہ ورکنگ آورز میں کام کریں کیوں کہ بھنسالی کے ساتھ ’ساوریا‘ میں انہیں بہت زیادہ مشکلات کا سامنا کرنا پڑا تھا۔’لو اینڈ وار‘ کی شوٹنگ کا آغاز رواں برس نومبر کو ہوگا جبکہ اسے 2025 میں کرسمس کے موقع پر ریلیز کیا جائے گا۔