ڈی ڈبلیو 
اسلام آباد (اُردو پوائنٹ ۔ DW اردو۔ 07 فروری 2024ء) شام کے سرکاری ٹیلیویژن نے اطلاع دی ہے کہ بدھ کی نصف شب کے بعد اس کے وسطی صوبے حمص کے علاقوں کو اسرائیلی میزائل حملوں کا نشانہ بنایا گیا۔ شام کی وزارت دفاع کا کہنا ہے کہ یہ حملہ رات کو مقامی وقت کے مطابق تقریبا ًساڑھے بارہ کے آس پاس ہوئے۔
امریکہ
نے عراق اور شام میں ایرانی اہداف پر حملے کے منصوبوں کو منظوری دیبیان کے مطابق یہ حملہ شمالی لبنان کے طرابلس کے علاقے سے کیا گیا، جس میں حمص شہر اور اس کے آس پاس کے مختلف مقامات کو نشانہ بنایا گیا۔
امریکہ
نے شام اور عراق میں ایران سے جڑے اہداف پر حملے شروع کر دیےشام کے سرکاری ذرائع کا دعوی ہے کہ اس کے فضائی دفاعی نظام نے اسرائیل کے کئی میزائلوں کو راستے میں ہی روک کر تباہ کر دیا، جب کہ بعض دیگر میزائل القصیر کے دیہی علاقوں میں گرے، جس کے نتیجے میں علاقے میں آگ لگ گئی۔
(جاری ہے)
اسرائیلی فضائیہ کے غزہ اور شام میں تازہ حملے
سیریئن آبزرویٹری فار ہیومن رائٹس کا کہنا کہ حملے کے نتیجے میں حمص اور اس کے دیہی علاقوں میں نو دھماکوں کی آوازیں سنی گئیں۔
اس کے ایک مبصر کا کہنا ہے کہ ان حملوں میں چار افراد ہلاک ہوئے ہیں، جبکہ بعض دیگر ذرائع نے ہلاک ہونے والوں کی تعداد چھ بتائی ہے۔خبر رساں ادارے روئٹرز کے مطابق شامی فوج کے ذرائع نے اسے بتایا ہے کہ حملوں میں حمص شہر کے قریب شویرات ایئر بیس اور دیگر مقامات کو نشانہ بنایا گیا۔
امریکہ
کے عراق میں بھی ایرانی حمایت یافتہ ملیشیا پر حملےشام کے سرکاری ٹیلی ویژن نے ایمبولینسوں کو فضائی حملے کے جائے وقوعہ کی طرف جاتے ہوئے دکھایا، جہاں ایک عمارت کا ملبہ بھی دیکھا جا سکتا تھا۔
سیریئن آبزرویٹری نے خبر رساں ادارے اے ایف پی کو بتایا ہے کہ مرنے والوں میں دو عام شہری بھی شامل ہیں۔
اسرائیل
کئی برسوں سے شام میں فوجی حملے کرتا رہا ہے اور اس کے بقول وہ ایران سے منسلک اہداف کو نشانہ بناتا ہے، البتہ وہ ایسے انفرادی حملوں پر تبصرہ کرنے سے گریز کرتا ہے۔ایرانی افواج شام کی خانہ جنگی کے ابتدائی دور سے ہی شام میں موجود ہیں اور وہ وسیع پیمانے پر بغاوت کے خلاف صدر بشار الاسد کی حکومت کی مدد کرتی رہی ہیں۔
اکتوبر میں غزہ کی جنگ کے بعد سے ایرانی حمایت یافتہ ملیشیا کے اہداف پر اسرائیلی حملوں میں اضافہ دیکھا گیا ہے۔
امریکہ
نے 28 جنوری کو اردن میں تین امریکی فوجیوں کی ہلاکت کے بعد گزشتہ ہفتے جوابی کارروائی میں شام اور عراق میں ایران سے منسلک اہداف پر بمباری کی تھی۔ص ز/ ج ا (روئٹرز، اے ایف پی)
