جنرل الیکشن میں ووٹرز کا ٹرن آوٹ 47.6فیصد رہا ،فافن

انتخابات 2024 کے انتخابات میں ٹرن اوور گزشتہ الیکشن 2018 سے کم رہا ،رپورٹ

بدھ 14 فروری 2024 20:35

کراچی(اُردو پوائنٹ اخبارتازہ ترین - این این آئی۔ 14 فروری2024ء) غیر سرکار ی تنظیم فافن نے ووٹر ٹرن آوٹ پر جائزہ رپورٹ جاری کر دی ہے جو کہ قومی اسمبلی کے 264 حلقوں کے فارم 47 پر مبنی ہے ۔

(جاری ہے)

تفصیلات کے مطابق فافن نے اپنی رپورٹ میں کہا ہے کہ 8 فروری کے الیکشن میں مجموعی ووٹر ٹرن آٹ 47.6 فیصد رہا، الیکشن 2018 میں ووٹرز کی شرح 52.1 فیصد تھی، الیکشن 2024 میں 6.06 کروڑ ووٹرز نے حق رائے دہی استعمال کیا،2018 الیکشن کی نسبت 58 لاکھ زیادہ ووٹنگ مگر شرح کم رہی،قومی اسبلی حلقوں میں سب سے زیادہ ٹرن آٹ تھرپارکر میں رہا،این اے 214 تھرپارکر میں ووٹرز ٹرن آٹ 70.9 فیصد رہا،سب سے کم ٹرن آٹ این اے 42 جنوبی وزیرستان میں 16.3 فیصد رہا، اسلام آبادمیں ٹرن آٹ 54.2 فیصد رہا، 2018 میں 58.3 فیصد تھا۔