اتوار کو برفباری کا امکان،مری انتظامیہ الرٹ رہے، ترجمان پی ڈی ایم اے

ہفتہ 17 فروری 2024 20:09

اسلام آباد(اُردو پوائنٹ اخبارتازہ ترین - آن لائن۔ 17 فروری2024ء) پی ڈی ایم اے نے مری گلیات اور گردو نواح میں طوفانی بارش اور برفباری کے امکانات ظاہر کیا ہے ،ترجمان پی ڈی ایم اے کے مطابق اتوار کو برفباری کے امکانات 70 فیصد تک ہیں،19 جنوری کو بھی بارش اور برفباری کے 75 فیصد امکانات ہیں،17 سے 22 فروری تک موسم کی صورتحال غیر یقینی رہے گی، مری جانے والے سیاحوں کو خبر دار کیا جاتا ہے کہ وہ احتیاط کریں، سیاح موسمی صورتحال کو مد نظر رکھتے ہوئے اپنا پروگرام ترتیب دیں، ڈی جی پی ڈی ایم اے عمران قریشی نے مری انتظامیہ کو الرٹ رہنے کی ہدایات کر دیں ہیں، مری کی انتظامیہ ہر طرح کی صورت حال سے نمٹنے کے لئے تیار رہے،سیاحوں کو معلومات دینے کے لئے متعلقہ محکمے ہر ممکن فورم استعمال کررہے ہیں، برف باری کو مد نظر رکھتے ہوئے ضروری ساز و سامان ساتھ رکھیں۔