نعمت اللہ خان قومی ہیرو،امانت،دیانت کے پیکر اور انسانیت کے مسیحا تھے، جماعت اسلامی سندھ

مرحوم کی دینی،سیاسی ،سماجی خدمات کوہمیشہ یادرکھا جائے گا، وہ آنے والی نسل کے لیے ایک مثال اور چراغ کی مانند ہیں،محمد حسین محنتی

اتوار 25 فروری 2024 19:55

کراچی(اُردو پوائنٹ اخبارتازہ ترین - این این آئی۔ 25 فروری2024ء) جماعت اسلامی سندھ کے امیر وسابق ایم این اے محمد حسین محنتی نے کہا ہے کہ سابق سٹی ناظم کراچی اور الخدمت پاکستان کے صدر نعمت اللہ خان ہی حقیقی قومی ہیرو ہیں، جنہوں نے پوری زندگی امانت،دیانت اور خدمت کے جذبے سے گزار کر مثال قائم کی،تھرپارکر سے لیکر ملک کے دور دراز علاقوں میں عوام کے درد کا مداوا کرنے پہنچنے والے نعمت اللہ خان کو بھلایا نہیں جا سکتا،اُنہوں نے خدمت کے میدا ن میں پوری دنیا میں جماعت اسلامی کا نام بھی روشن کیا ،بابائے کراچی اور سابق میئر مرحوم نعمت اللہ خان کی برسی کے موقعے پر اپنے جاری کردہ بیان میں انہوں نے کہا کہ مرحوم نعمت اللہ خان دُکھی انسانوں کے لیے کے مسیحا اور نظریہ پاکستان کے محافظ تھے جنہوں نے شہر کراچی کی بلاتفریق خدمت کی ۔

(جاری ہے)

مرحوم کی دینی،سیاسی اور سماجی خدمات پر قوم انہیں ہمیشہ یاد رکھے گی کہ وہ آنے والی نسل کے لیے ایک مثال اور چراغ کی مانند ہیں۔یاد رہے کہ مرددرویش نعمت اللہ خان 25فروری 2020کوانتقال کرگئے تھے۔