موٹروے پولیس ٹریننگ کالج میں انسپکٹر سے ڈی ایس پی ترقی پانے والے افسران کو رینک لگانے کی تقریب

شاہد نذیر چودھری جمعہ 15 مارچ 2024 13:23

لاہور (اردو پوائنٹ اخبارتازہ ترین۔15 مارچ2024 ء) کمانڈنٹ موٹروےپولیس ٹریننگ کالج ڈی آئی جی سید حشمت کمال نے کہا ترقی پانے والے افسران اپنے اندر مزید عاجزی کے ساتھ زمہ داری پیدا کریں موٹروے پولیس ٹریننگ کالج میں انسپکٹر سے ڈی ایس پی ترقی پانے والے افسران کو رینک لگانے کی تقریب منعقد کی گئی۔

(جاری ہے)

سید حشمت کمال نے کہا ترقی احساس زمہ داری پیدا کرتی ہے انسانیت کا دامن کسی صورت اپنے ہاتھ سے نہ جانے دیں اپنے پیشہ ورانہ زمہ داریوں کو ہمیشہ مقدم رکھیں اپنے کام سے اپنی ترقی کو ثابت کریں۔

انہوں نے اس موقع پر ترقی پانے والے افسران کو مبارک باد بھی دی ۔سید حشمت کمال ڈی آئی جی اور ڈپٹی کمانڈنٹ امداد اللہ شاہد نے ترقی پانے والے افسران میں پروموشن رینگ لگائے موٹروےپولیس ٹریننگ کالج میں انسپکٹر سے ڈی ایس پی کے عہدے پر ترقی پانے والے افسران میں رانا نزیر، حنیف ثانی ، عبدالرب ، حامد چیمہ شامل تھے۔