لاہورپولیس آپریشنزونگ کے سکیورٹی اقدامات / سرچ اینڈ کومبنگ آپریشنز جاری

جمعہ 22 مارچ 2024 22:43

لاہور (اُردو پوائنٹ اخبارتازہ ترین - آن لائن۔ 22 مارچ2024ء) ڈی آئی جی آپریشنز لاہور سیدعلی ناصر رضوی نے کہاہے کہ لاہور پولیس شہریوں کی جان و مال کی حفاظت یقینی بنانے کے لئے ٹھوس اقدامات عمل میں لا رہی ہے ۔ڈی آئی جی آپریشز نے بتایا کہ رواں سال ابتک لاہور پولیس آپریشنز ونگ نے شہر کے مختلف علاقوں میں876سرچ آپریشنزکئے ۔سرچ آپریشنز کے دوران23ہزار717گھروں،82ہزار14افرادکی چیکنگ عمل میں لائی گئی ۔

(جاری ہے)

قانون شکنی پر368افراد کے خلاف کے قانونی کارروائی کی گئی ۔سرچ آپریشن کے دوران11ہزار494کرایہ داروں کو بھی چیک کیا گیا متعلقہ تھانوں میں کرایہ داری کا اندراج نہ کروانے والی182افراد کو حراست میں لیا گیا ۔ دوران سرچ آپریشنز منشیات پر15جبکہ ناجائزاسلحہ برآمدگی پر37افراد کو حراست میں لیا گیا ۔سرچ آپریشنزکے دوران مختلف جرائم میں ملوث23 اشتہاری وعادی مجرماناور عدالتی مفروران بھی گرفتار ہوئے۔