آئی سی سی وفد کا پنڈی کرکٹ اسٹیڈیم کا دورہ

چیمپینز ٹرافی کے انتظامات اور تیاریوں کا جائزہ لیا

بدھ 27 مارچ 2024 22:50

اسلام آباد (اُردو پوائنٹ اخبارتازہ ترین - آن لائن۔ 27 مارچ2024ء) پاکستان میں آئی سی سی چیمپئنز ٹرافی 2025 کے انعقاد کا معاملہ ، آئی سی سی وفد کا کراچی اور لاہور کے بعد راولپنڈی پہنچ گیا، وفد نے پنڈی کرکٹ اسٹیڈیم میں چیمپینز ٹرافی کے انتظامات اور تیاریوں کا جا?زہ لیا۔ نیشنل بنک اسٹیڈیم کراچی اور قذافی اسٹیڈیم لاہور کے بعد آئی سی سی کا وفد پنڈی کرکٹ اسٹیڈیم پہنچا۔

(جاری ہے)

وفد میں سینئر منیجر و ایونٹ آپریشنز سارا ایڈگر، منیجر عون زیدی شامل تھے جنہوں نے پنڈی کرکٹ اسٹیڈیم کے مختلف انکلوڑر کا دورہ کیا۔پی سی بی حکام نے وفد کو پنڈی اسٹیڈیم کے انتظامات اور تیاریوں پر آگاہ کیا گیا۔ آئی سی سی وفد کو سیکیورٹی انتظامات پر بریفنگ بھی دی گئی۔آئی سی سی وفد آج محسن نقوی سے بھی ملاقات کرے گا۔وزیر داخلہ و چیئرمین پی سی بی محسن نقوی وفد کو چیمپینز ٹرافی کی تمام تیاریوں پر آگاہ کرینگے۔ پاکستان نے آئی سی سی چیمپینز ٹرافی کی آئندہ سال میزبانی کرنی ہے۔