وزیرِ اعظم شہباز شریف نے مشترکہ مفادات کونسل کی تشکیلِ نو کر دی

جمعہ 29 مارچ 2024 13:24

اسلام آباد (اُردو پوائنٹ اخبارتازہ ترین - این این آئی۔ 29 مارچ2024ء) صدرِمملکت آصف علی زرداری نے وزیرِ اعظم شہباز شریف کی ایڈوائس پر مشترکہ مفادات کونسل کی تشکیلِ نو کر دی۔وزیرِاعظم شہباز شریف کی منظوری کے بعد سی سی آئی کی تشکیلِ نو کا نوٹیفکیشن جاری کیا گیا۔مشترکہ مفادات کونسل کی تاریخ میں پہلی بار وزیرِ خزانہ کی جگہ وزیرِ خارجہ شامل کیے گئے ہیں۔

(جاری ہے)

نوٹیفکیشن کے مطابق 8 رکنی مشترکہ مفادات کونسل کے چیئرمین وزیرِ اعظم شہبازشریف ہوں گے۔وزیرِ خارجہ اسحاق ڈار بطور رکن مشترکہ مفادات کونسل میں شامل ہیں۔وزیرِ دفاع خواجہ آصف، وزیرِ سیفران امیر مقام بھی سی سی آئی میں شامل ہیں۔نوٹیفکیشن کے مطابق مشترکہ مفادات کونسل 21 مارچ 2024ء سے وجود میں آئی ہے۔مشترکہ مفادات کونسل فیصلہ سازی کا ملک کا سب سے بڑا فورم ہے۔قدرتی وسائل کی تقسیم سمیت وہ معاملات جن پر وفاق اور صوبوں میں اختلاف ہو ان پر مشترکہ مفادات کونسل فیصلے کرتی ہے۔