ظ*زندگی کی"عبداللہ پور کا دیوداس" نے یوٹیوب پر پاکستانی شائقین کا دل جیت لیا۔

Sمانگا منڈی(اُردو پوائنٹ اخبارتازہ ترین - آن لائن۔ 30 مارچ2024ء) زندگی کی ایک اہم اور شاندار سیریز ’’عبداللہ پور کا دیوداس‘‘ یکم مارچ 2024 کو اپنے پریمیئر کے بعد سے پاکستانی ناظرین کی پسندیدہ ترین سیریز بن گئی ہے ۔ اپنی دلکش کہانی اور شاندار کاسٹ کے ساتھ اس سیریز نے بڑے پیمانے پرشائقین کی پذیرائی حاصل کی ہے۔ ڈرامے کے مرکزی ستاروں میں بلال عباس‘ سارہ خان ‘ رضا طالش سمیت دیگر شامل ہیں۔

زندگی کا یہ مشہور سلسلہ دلچسپ مراحل سے گزررہا ہے اور اب یہ کہانی اپنے عروج پر پہنچ گئی ہے ۔ہر قسط کے ساتھ "عبداللہ پور کا دیوداس" اپنی زبردست کہانی اور پرفارمنس کی وجہ سے ناظرین کی دلچسپی میں مزید اضافے کا باعث بن جاتا ہے۔ڈرامے کا ساؤنڈ ٹریک "بیبا- - "سمیع خان نے کمپوز اور پروڈیوس کیا ہے۔

(جاری ہے)

مشہور "بیبا سا ڈادل موڑ دی" کا یہ ورژن جذباتی مناظر کا بہترین عکاس ہے ۔

یہ سیریز محبوب یا محبت کے جوہر کی عکاسی کرتی ہے‘جس میں دوستی کو پیچھے چھوڑ دینے والی محبت کو بھرپور انداز میں پیش کیا گیا ہے۔غلط شناخت اور حقیقی جذبات کے ذریعے‘ ناظرین کو رشتوں کی پیچیدگیوں اور ان کے ساتھ آنے والی قربانیوں کو تلاش کرنے کی دعوت دی جاتی ہے۔"عبداللہ پور کا دیوداس" غیر مشروط محبت کے جوہر کو خوبصورتی سے پیش کرتا ہے‘اسے ایک ایسی طاقت کے طور پر اجاگر کرتا ہے جو سرحدوںکی پابند نہیں اور توقعات سے انحراف کرتی ہے۔

فخر کی (بلال عباس خان) گل بانو (سارہ خان) سے بے تحاشہ عقیدت محبت کی خالص اور بے لوث فطرت کی مثال ہے جوہر مشکلات کو کوبرداشت کرتی اور ہر رکاوٹوں پرکو عبور کرتی ہے کی صلاحیت کو ظاہر کرتی ہے۔سویرا ندیم‘ انوشے عباسی اور نعمان اعجاز جیسے تجربہ کار فنکاروں نے سیریز میں حقیقی رنگ بھر کر ناظرین کو ایک دلچسپ اور خود سے قریب تجربہ کرنے کا موقع فراہم کیا ہے ۔

لمحہ بہ لمحہ رابطوں کے اس ڈیجیٹل دور میں "عبداللہ پور کا دیوداس" پرانے زمانے کے رومانس کی قدیم یادوں کو زندہ کرتا ہے۔ یہ جدید معاشرے کی تیز رفتاری کے ساتھ محبت اور وابستگی کی روایتی اقدارکا ایک انتہائی خوبصورت امتزاج ہے جو ناظرین پر یہ ثابت کرتا ہے کہ اگر محبت حقیقی ہو اس تو اسے زیادہ پائیدار کچھ ہو نہیں سکتا۔انجم شہزاد کی ہدایت کاری اور شاہد ڈوگر کا تحریر کرد، "عبداللہ پور کا دیوداس" ایک 13 قسطوں پر مشتمل سیریز ہے جو جس تفریح کے تمام سامان موجود ہیں۔

عبداللہ پور کے خوبصورت قصبے میںعکس بند کی گئی یہ سیریز فخر (بلال عباس خان)‘ کاشف (رضا طالش) اور گل بانو (سارہ خان) زندگیوں کے دائو پیج میں بنی گئی ہے جہاں ان کے رشتے گہرائی اور گیرائی کی بھنور میں ابھرتے ڈوبتے اپنے ناظرین کو اپنے سفر میں شامل رکھنے کا ہنر جانتے ہیں۔آپ بھی اس غیر معمولی سفر کا حصہ بنیں تاکہ ایک خوبصورت کاوش سے لطف اندوز ہوسکیں ‘ تو دیکھتے رہے ’’عبداللہ پور کا دیوداس‘‘ صرف زندگی کے یوٹیوب چینل پر ۔